影片
更多
2024-08-13
4980 瀏覽
放假嚟到銅鑼灣的昼月，試佢新推出的假日午市放題任食2小時 。其實唔知道有呢個優惠，但同事食完話我知抵食，咁當然黎試吓，而且呢個優惠只限於Openrice 網上預付先有！只做到8月底。任食由12點開始，我地遲咗5分鐘，餐廳都已經坐咗八成人。我哋被安排坐喺吧枱，對住師傅，感覺有啲似食Omakase～前菜先黎沙律，然後就係每人一客賣相好靚嘅磯煮鮑魚併特選刺身三點，鮑魚好入味呀～主食任食：刺身：三文魚、油甘魚、間八、赤蝦、帶子，季節魚今日係鰆魚！刺身新鮮，完全冇漏單，季節鰆魚爽口帶油香，好好味！炸物包括：唐揚雞件、雞皮餃子、日式吉列蠔、炸日式章魚丸、芝士薯條。新鮮即炸！一品料理：燒靖魚、燒雞翼串、燒虎蝦、壽喜燒野菜鍋、安格斯牛肉火鍋片、日本豚肉火鍋片及要加錢的A4和牛片火鍋片。燒虎蝦真係嚇一跳，因為真係好大隻，我哋每人差不多食咗10隻！壽喜燒係唔可以錯過嘅，因為望落去平平無奇嘅壽喜燒，但啲安格斯牛肉真係好好食！望落去好肥，但食落口好爽口又好有油香，我哋encore咗三轉先肯收手。丼飯我哋只食咗迷你海膽海之幸丼，因為食壽喜燒食飽咗！其實仲有迷你和風牛肉丼、迷你生姜豚肉丼、迷你吉列蝦丼、關東煮、吸
任食由12點開始，我地遲咗5分鐘，餐廳都已經坐咗八成人。我哋被安排坐喺吧枱，對住師傅，感覺有啲似食Omakase～
前菜先黎沙律，然後就係每人一客賣相好靚嘅磯煮鮑魚併特選刺身三點，鮑魚好入味呀～
主食任食：刺身：三文魚、油甘魚、間八、赤蝦、帶子，季節魚今日係鰆魚！刺身新鮮，完全冇漏單，季節鰆魚爽口帶油香，好好味！
炸物包括：唐揚雞件、雞皮餃子、日式吉列蠔、炸日式章魚丸、芝士薯條。新鮮即炸！
一品料理：燒靖魚、燒雞翼串、燒虎蝦、壽喜燒野菜鍋、安格斯牛肉火鍋片、日本豚肉火鍋片及要加錢的A4和牛片火鍋片。
燒虎蝦真係嚇一跳，因為真係好大隻，我哋每人差不多食咗10隻！壽喜燒係唔可以錯過嘅，因為望落去平平無奇嘅壽喜燒，但啲安格斯牛肉真係好好食！望落去好肥，但食落口好爽口又好有油香，我哋encore咗三轉先肯收手。
丼飯我哋只食咗迷你海膽海之幸丼，因為食壽喜燒食飽咗！其實仲有迷你和風牛肉丼、迷你生姜豚肉丼、迷你吉列蝦丼、關東煮、吸物等！
甜品：特色自製刨冰機差不多每個客人食完嘢都會去玩吓呢部刨冰機，都汽水落去就會出到質感細滑嘅刨冰，再加埋調味配料，又玩得又食得！
仲可以優惠價$78享有二小時清酒及汽水任飲，但因為已經有汽水任飲，所以我哋就唔飲酒了！
張貼
