影片
更多
2016-11-09
183 瀏覽
好耐無飲茶，但礙於點心都係肥膩，所以總係有點猶豫。難得今日朋友提議去食齋，便恭敬不如從命，順便健康一下。下午茶約好左去尖沙咀的功德林，朋友話可飲茶又望住靚景，一舉兩得。準時到達，下午人不算多，環境闊落又寧靜，幾舒服。侍應安排坐窗邊位，望住大大個維港及文化中心，景色好開揚。少食素，所以唔知食咩好，幸好部長主動推介食物俾我地，所以唔使心大心細。因為鍾意飲湯，所以先來了個竹笙蟲草花燉湯暖胃。湯好清甜，料亦足，飲完成身暖笠笠，好舒服。然而點心都陸續上枱，先來個三色蝴蝶餃，大大隻，賣相好精緻，皮薄餡靚，餡料係素翅，感覺上完全唔肥膩。磨菇包小巧玲瓏，一啖一口，唔會太飽濟，中間有磨菇餡，包身亦軟熟。臨近萬聖節，所以貪得意點左個歡喜南瓜包。其實都唔算包，因為似糕點，煙韌的糯米皮包裹著滿滿的紅荳蓉，紅荳蓉唔過甜，好味。然後是功德林三拼盤，選了最愛的雞絲粉皮，滿滿的麻香，甜甜地，粉皮爽口滑溜。無錫脆鱔其實係炸菇黎，但炸得乾身唔油膩。做法有點像甜酸排骨，甜甜酸酸的好開胃。還有腐皮卷，裏面是磨菇及蘿蔔絲，腐皮有點乾，整體感覺有點單調。見隔離枱點蘿蔔酥，我地見得意都跟住點左個。好快上枱，而且熱辣辣，有3隻，隻隻
下午茶約好左去尖沙咀的功德林，朋友話可飲茶又望住靚景，一舉兩得。準時到達，下午人不算多，環境闊落又寧靜，幾舒服。
侍應安排坐窗邊位，望住大大個維港及文化中心，景色好開揚。少食素，所以唔知食咩好，幸好部長主動推介食物俾我地，所以唔使心大心細。
因為鍾意飲湯，所以先來了個竹笙蟲草花燉湯暖胃。湯好清甜，料亦足，飲完成身暖笠笠，好舒服。然而點心都陸續上枱，先來個三色蝴蝶餃，大大隻，賣相好精緻，皮薄餡靚，餡料係素翅，感覺上完全唔肥膩。
磨菇包小巧玲瓏，一啖一口，唔會太飽濟，中間有磨菇餡，包身亦軟熟。臨近萬聖節，所以貪得意點左個歡喜南瓜包。其實都唔算包，因為似糕點，煙韌的糯米皮包裹著滿滿的紅荳蓉，紅荳蓉唔過甜，好味。
然後是功德林三拼盤，選了最愛的雞絲粉皮，滿滿的麻香，甜甜地，粉皮爽口滑溜。無錫脆鱔其實係炸菇黎，但炸得乾身唔油膩。做法有點像甜酸排骨，甜甜酸酸的好開胃。還有腐皮卷，裏面是磨菇及蘿蔔絲，腐皮有點乾，整體感覺有點單調。
見隔離枱點蘿蔔酥，我地見得意都跟住點左個。好快上枱，而且熱辣辣，有3隻，隻隻都好飽滿，入面啲餡料好多，而且酥底做得好鬆化，朋友大讚好食。
去到最後，因為趕時間，所以點左個薑汁湯丸，湯丸係芝麻蓉，粉皮好煙韌，值得一讚係個湯，薑味好出，而且甜度剛好。
平日很少食素，但而家食素食物多左好多選擇。望住靚景食素，輕鬆悠閒又健康，下次帶埋阿媽黎試下。
張貼
