生記菜館 (已結業)

秋風起，又約了舊同事聚聚，原本諗住打邊爐，但朋友話昨晚已打完，提議食其他，咁當然食煲仔飯啦。但想試新店，又唔想過海，都係死死地氣返佐敦食。７點半左右到，四季煲仔飯又係一大條長龍，見到都得人驚。所以轉入下一條街，食另一間。因為朋友之前食過，所以跟佢去左生記。 生記個招牌寫住炭燒煲仔飯，但未試過所以唔知。不過都唔介意一試。阿姐安排我地上左閣樓坐，估唔到上面咁多人，而且都幾熱鬧。我地4位，因為唔太餓，所以只點左2個煲仔飯和2小菜。滑雞臘腸飯，雞肉多，而且肉也算滑，但臘腸太肥，我沒有食，但朋友就話都不錯。黃鱔煲仔飯，鱔件頗多，而且鱔肉肥美，看得到的鱔油。 雖然招牌寫住用炭火燒，但就唔覺好有炭火香味，不過飯就尚算乾身。叫左3個小菜，鮮魷西蘭花足料，魷魚都新鮮，幾好食而且大大碟。豉椒炒蜆都係大大碟，但蜆肉唔算肥美，感覺唔夠惹味，但都收貨。最失望係個炒麵，好似成碟水咁，又油又水，我完全無意欲去食，相都無影。 總括黎講，呢度啲野食大件夾抵食，每人80大洋有找，不過味道就中規中矩，唔想排隊食個煲仔飯還可以，但小菜的話，有更多更好的選擇。