Moreish & Malt (蕪湖街) (已結業)

放工來到紅磡和小學同學一聚，原想試她的拿手好菜，誰知買好的材料漏在公司唔記得拎，真係得啖笑！那只好買外賣，來到她去開的Moreish & Malt，這間餐廳在Sav酒店的一樓，我以以酒店餐廳，價錢應該貴，但卻是親民價。晚市TAKEAWAY選擇都不少。我地點完菜就在餐廳內等，晚市外賣單都排住隊，幸好取餐都唔算耐。其實餐廳的環境很CHILL，有大玻璃窗，可以望到街景，坐低食應該好愜意，奈何限聚令！外賣質素一啲都無減料，手撕豬肉香辣芝士三文治好厚重，拎上手好有重量，十分足料！麵包烘得香脆，中間係堆滿豬肉混著芝士，入口微辣而食到絲絲半溶芝士豬肉，好惹味！美國肉眼扒又厚又肥美，差啲大塊到放唔落餐盒！Medium rare做得剛好，入口牛味濃而且啖啖肉，是我的大愛！兩個餐都跟配的薯條絕對有錦上添花之效。因為粗薯條炸得香脆，薯味濃，熱辣辣，點上茄汁食就好滋味！最後的意大利芝士風乾肉拼盤是我們的飯後咸品，用來一邊傾計一邊睇電視飲酒食的！份量都不少，我鍾意佢加入了松子！飲品就簡單點了茶去解膩，二人點的三個食物剛好，飽足又滿足！這家店外賣很可以，揾日一定要堂食！