影片
更多
2016-07-30
903 瀏覽
企鵝哥時不時都會同自己啲家族飲茶，但佢地話食到悶，想去食新派點心店，隔左幾日佢地就帶我到吉吉點飲茶。路程雖遠，不過我都唔放過捉小精靈嘅機會，邊行邊捉就至岩我。老餅都要試新野嘅，依到就成為左遊歷香港美食第九站。雖然話就話飲茶，但睇上去絕對唔係一間茶樓，而且裡面都有幾多後生捧場。飲開早茶嘅我竟然黎到依到食夜市，佢地仲嗌左幾客點心，感覺怪怪地，不過都可以一試。鮑螺雞燒賣($22)一粒係鮑片，一粒係雞肉嘅燒賣，賣相未算討好，但都幾新穎。味算普通，唔算好特別，都係兩種味道加埋，兩粒嘅價錢頗貴。評分味道：6/10賣相：5/10抵食：5/10吉吉蝦餃皇2件($17)企鵝仔嘅至愛，皮薄餡靚，蝦仁大大粒好爽口，食得好和味。評分味道：7/10賣相：7/10抵食：6/10千層珍珠雞($26)店員推薦，餡料同糯米分至一層層，睇起上黎幾特別，口感軟熟，糯米充滿荷葉嘅香氣，餡料充滿整個珍珠雞，雖話係珍珠雞但都幾飽，值得一試。評分味道：8/10賣相：7/10抵食：7/10杯仙履奇緣($27)傳說中嘅鐵觀音咖啡，充滿中西合壁文化，咖啡用朱古力漿畫花其實會有啲奇怪，另外泡沫打得太過粗身同量都較多。味道方面，鐵觀音味道偏
但佢地話食到悶，想去食新派點心店，隔左幾日佢地就帶我到吉吉點飲茶。
路程雖遠，不過我都唔放過捉小精靈嘅機會，邊行邊捉就至岩我。
老餅都要試新野嘅，依到就成為左遊歷香港美食第九站。
雖然話就話飲茶，但睇上去絕對唔係一間茶樓，而且裡面都有幾多後生捧場。
飲開早茶嘅我竟然黎到依到食夜市，佢地仲嗌左幾客點心，感覺怪怪地，不過都可以一試。
鮑螺雞燒賣($22)一粒係鮑片，一粒係雞肉嘅燒賣，賣相未算討好，但都幾新穎。
味算普通，唔算好特別，都係兩種味道加埋，兩粒嘅價錢頗貴。
評分
味道：6/10
賣相：5/10
抵食：5/10
吉吉蝦餃皇2件($17)企鵝仔嘅至愛，皮薄餡靚，蝦仁大大粒好爽口，食得好和味。
評分
味道：7/10
賣相：7/10
抵食：6/10
千層珍珠雞($26)店員推薦，餡料同糯米分至一層層，睇起上黎幾特別，
口感軟熟，糯米充滿荷葉嘅香氣，餡料充滿整個珍珠雞，雖話係珍珠雞但都幾飽，值得一試。
評分
味道：8/10
賣相：7/10
抵食：7/10
杯仙履奇緣($27)傳說中嘅鐵觀音咖啡，充滿中西合壁文化，咖啡用朱古力漿畫花其實會有啲奇怪，另外泡沫打得太過粗身同量都較多。味道方面，鐵觀音味道偏重，蓋過咖啡嘅味道。加糖後會冇咁好飲，算係一個新嘗試，希望再改良。
評分
味道：5/10
賣相：7/10
抵食：6/10
香滑鮮奶凍($18)奶凍過甜，奶味亦唔重，口感食起上黎太硬唔軟身，食上去又飽又膩，感覺麻麻。
評分
味道：4/10
賣相：5/10
抵食：5/10
新派點心感覺仍不錯，但新派飲品同甜品都仲有改善空間。
企鵝哥遊歷香港美食報導完畢，多謝收睇！
張貼
