旺囍車仔麵 (已結業)

早前同事介紹我嚟呢一間食 車仔麵店，佢話呢間食物非常有質素，於是我今日嚟試下，睇下佢有冇介紹錯。我叫咗一碗牛坑腩、魷魚、粗麵。當店員送上來的時候已經聞到陣陣濃烈嘅牛腩香味，聞到已經流曬口水，食落更加冇得彈，坑腩夠腍甜，肉質柔軟多汁，炆煮得火喉十足，湯底濃郁惹味。爽脆彈牙嘅魷魚，鮮味無窮，將牛坑腩嘅濃郁味道完全鎖住，好吃到不得了。仲有佢個粗麵，爽滑非常，粗麵嘅麥香，配上這個濃郁香甜嘅湯底，互相配合，令你食到停唔到口。