影片
更多
2018-09-12
486 瀏覽
早排的某個星期日，非素朋友原本諗住約版主去觀塘駱駝漆大廈3期的PASTAZONE開餐，話個度有素食。點知，去到個陣，我地竟然受到鐵閘🚧的熱烈歡迎，「鐵閘大哥」點都唔肯打開俾我地入去🚫。冇法，於是我地兩個3X歲的人就唯有做「逆樓大叔」，一於搭𨋢去到11樓再掃返落黎，睇下有冇發現……. (註：如果由1至11是順序的話，那麼，由11去返1應該是叫「逆」吧😆) 掃到去4樓時，終於俾我地發現左「晚餐的一線曙光⚡」-----我地睇見MARIO係度同我地招手👋👋呀！大家可能諗，慘啦，版主係咪餓到產生幻覺呢🤦♂️？當然唔係啦，上述內容只係用左擬人法，真實情況是，我地發現左一間Little Mario’s Pizzeria的小店，有得開餐了😋。 有玩開MARIO的朋友都知道，MARIO係最鐘意食菇🍄的嘛，所以，黎到呢間小店，餐單中當然唔少得「菇類PIZZA」啦。我地揀左「魔法磨菇薄餅」🍕同埋「松露薄餅」🍕，磨菇和松露都各有不同的香味，更重要的是，薄餅的尺吋有8吋和14吋兩種，令到我地即使只得2個人，都可以食到兩種薄餅，而且仲可以繼續叫其他野食添！食完⚁個細PIZZA後，然後就到「雜菜咖哩角」以及「莫札里
早排的某個星期日，非素朋友原本諗住約版主去觀塘駱駝漆大廈3期的PASTAZONE開餐，話個度有素食。點知，去到個陣，我地竟然受到鐵閘🚧的熱烈歡迎，「鐵閘大哥」點都唔肯打開俾我地入去🚫。冇法，於是我地兩個3X歲的人就唯有做「逆樓大叔」，一於搭𨋢去到11樓再掃返落黎，睇下有冇發現…….
(註：如果由1至11是順序的話，那麼，由11去返1應該是叫「逆」吧😆)
掃到去4樓時，終於俾我地發現左「晚餐的一線曙光⚡」-----我地睇見MARIO係度同我地招手👋👋呀！大家可能諗，慘啦，版主係咪餓到產生幻覺呢🤦♂️？當然唔係啦，上述內容只係用左擬人法，真實情況是，我地發現左一間Little Mario’s Pizzeria的小店，有得開餐了😋。
有玩開MARIO的朋友都知道，MARIO係最鐘意食菇🍄的嘛，所以，黎到呢間小店，餐單中當然唔少得「菇類PIZZA」啦。我地揀左「魔法磨菇薄餅」🍕同埋「松露薄餅」🍕，磨菇和松露都各有不同的香味，更重要的是，薄餅的尺吋有8吋和14吋兩種，令到我地即使只得2個人，都可以食到兩種薄餅，而且仲可以繼續叫其他野食添！
食完⚁個細PIZZA後，然後就到「雜菜咖哩角」以及「莫札里拉芝士條」啦。咖哩角香脆惹味，不過記住唔好狼吞虎嚥，否則的話，大家的嘴唇就可能會……🙊。至於芝士條，就俾我地見識左佢地有幾「痴纏」💕(請看相片)，這也正正反映了芝士條的份量是很足夠，絕不會「揸流攤」只得少量芝士。最後，我地仲黎多個「青醬長通粉」，為晚餐劃上滿足的句號。
最後，提醒一下，店中部分pizza,可轉為vegan cheese(+10元)。不過，版主問樓面小妹vegan cheese是否無蛋奶時，小妹完全是一個「十萬個你問甚麼」的表情，然後小妹就問身邊的「樓面叔叔」，叔叔也給版主送上❓。最後，叔叔入了廚房求證一下，出來後告知是vegan cheese。不過，在言談間，叔叔又說是vegetarian的，可以放心。對於店員們熱心❤地嘗試解答版主的疑問，這個的確是很抵讚的。不過，對於非素店來說，vegan和vegetarian這兩個概念，可能未必知道得很清楚。所以，蛋奶素的朋友，這間小店是值得一試的。如果是嚴格的純素朋友，就請自行衡量了。
30 瀏覽
0 讚好
0 留言
張貼
