醉潮館

營業中

休息中

三陂坊出名係揾食好地方，今日試左醉潮館，都值得推介。.大熱天時，去食大排檔最驚冷氣唔夠，呢到雖然枱都放等幾密，但都係舒服的，冷氣又足，適合一大班人黎，就算係小情侶二人撐枱腳都ok。.🔹海膽炒飯🔹炒飯面蓋住半板海膽上菜已經流口水好想食，海膽都新鮮，我就會拌一拌先食，每啖飯都食到入口即融既海膽，炒飯都加左爽脆既魷魚鬚，口感豐富。🔹香辣魚仔炒花甲🔹鑊氣炒花甲係大排檔必點餸菜之一，同平時叫既豉椒炒蜆唔同，呢道菜用左辣魚仔去炒，冇咁重口味。花甲唔算大，但勝在肉飽滿。🔹雪裹紅蝦乾芥蘭煲🔹雪裹紅即係雪菜，再加咸香既大隻蝦乾去炒芥蘭，芥蘭爽脆，味道偏重，送飯一流。