尚興潮州海鮮飯店 (已結業)

尚興飯店屹立係上環一帶已經有超過五十多年，老闆堅持每日去街市入貨，務求餐廳提供最高質量既食材俾客人😌我哋一就座，職員主動拎餐前功夫茶俾我哋飲，茶杯以陶瓷製成，小小既杯盛載住濃郁鐵觀音，亦希望食客之間打開話匣子，暢所欲言！🤓餐後既功夫茶可以幫助消瀉，減輕飯氣攻心既情況！🍽潮州鹵水鵝片餐廳用汕頭既獅豆鵝，刀功了得，每一片鵝片既厚度都均一，肉質柔滑入口無渣同嚼勁十足。滷豆腐充滿滷香，非常嫩滑。唯一可以挑剔既地方就係鵝肉分量比以往減少左。🙈🦐節瓜蝦米粉絲煲一道傳統既家常便菜，節瓜切絲再加入大蝦米同粉絲烹調而成。食左咁多重口味既菜式，呢味菜最適合清清口腔，俾腸胃休息下，再繼續作戰！😂🐚汕豆炒薄殻薄殻係一種外殼極之薄既海產，同青口形狀相類似，但體型迷你非常多。餐廳用左薄荷葉同蒜粒炒香，香氣撲鼻而來，但就咁食有小小過鹹，適合餸潮州粥或者白飯😛！🥩沙茶炒牛肉沙嗲牛肉炒芥蘭，芥蘭脆口，沙嗲汁有好多花生粒🥜每一口牛肉同芥蘭都充斥住沙嗲醬充斥。但牛肉無牛味，用得太多梳打粉去醃，入口雖然嫩口，但掩蓋晒牛肉既鮮味！🍲蠔仔粥蠔仔粥保持一貫水準，用料講究，選用肥大飽滿既蠔仔，加上肉碎方魚一齊熬煮，湯頭鮮美。食既時候