影片
更多
2018-09-26
471 瀏覽
早兩日同朋友去中環食飯，朋友推薦話蘭桂芳呢一間嘅炸雞幾正，我上網睇見到佢地既炸雞真的幾吸引！尤其是網上個個都話要食個太陽芝士炸雞，齋睇相覺得勁正！二話不說就book咗枱了！😋我講到明係衝着佢嘅太陽芝士炸雞而去，點知比我見到有個二人套餐，其中包左呢一款炸雞，仲包兩款自選小食同2杯野飲係$398，個太陽芝士炸雞就咁單點都要$198，計算下似乎呢個套餐抵啲喎！我哋就點呢一個二人套餐啦！😋佢先上兩個小食，我哋揀咗螺肉伴冷麵和雞軟骨餃子。伴冷麵有兩坨類似蕎麥面幾爽，中間有啲洋蔥同埋魷魚絲，啲汁酸酸甜甜幾清新唔錯！👍😋不過個名明明叫螺肉拌麵, 但係變咗魷魚絲，唔通係螺肉乾？哈哈，唔理啦好食就得😋個雞軟骨餃子有五件，中間啲雞軟骨唔算好大粒唔會”銀”牙, 煎得幾香口唔錯👍重頭戲太陽芝士炸雞嚟到嘅時候真係俾佢震撼到！同網上相片一樣圖文相符！有八大件炸雞圍住一個裝滿芝士岩漿嘅大圓麵包，真係改錯名好似一個太陽🌞炸雞新鮮炸起外脆內嫩，我先試一下冇點芝士漿的已非常好食夠入味，重點係有雞汁勁juicy!我試吓用炸雞點芝士醬，嘩！啲芝士識拉絲㗎！我同朋友玩到心花怒放，勁大細路😂芝士醬夠香濃，配上脆身嘅炸雞另有一番風
早兩日同朋友去中環食飯，朋友推薦話蘭桂芳呢一間嘅炸雞幾正，我上網睇見到佢地既炸雞真的幾吸引！尤其是網上個個都話要食個太陽芝士炸雞，齋睇相覺得勁正！二話不說就book咗枱了！😋
我講到明係衝着佢嘅太陽芝士炸雞而去，點知比我見到有個二人套餐，其中包左呢一款炸雞，仲包兩款自選小食同2杯野飲係$398，個太陽芝士炸雞就咁單點都要$198，計算下似乎呢個套餐抵啲喎！我哋就點呢一個二人套餐啦！😋
佢先上兩個小食，我哋揀咗螺肉伴冷麵和雞軟骨餃子。伴冷麵有兩坨類似蕎麥面幾爽，中間有啲洋蔥同埋魷魚絲，啲汁酸酸甜甜幾清新唔錯！👍😋不過個名明明叫螺肉拌麵, 但係變咗魷魚絲，唔通係螺肉乾？哈哈，唔理啦好食就得😋
螺肉伴涼麵
8 瀏覽
0 讚好
0 留言
個雞軟骨餃子有五件，中間啲雞軟骨唔算好大粒唔會”銀”牙, 煎得幾香口唔錯👍
雞軟骨餃子
20 瀏覽
0 讚好
0 留言
重頭戲太陽芝士炸雞嚟到嘅時候真係俾佢震撼到！同網上相片一樣圖文相符！有八大件炸雞圍住一個裝滿芝士岩漿嘅大圓麵包，真係改錯名好似一個太陽🌞炸雞新鮮炸起外脆內嫩，我先試一下冇點芝士漿的已非常好食夠入味，重點係有雞汁勁juicy!
太陽芝士炸雞
$198
5 瀏覽
0 讚好
0 留言
我試吓用炸雞點芝士醬，嘩！啲芝士識拉絲㗎！我同朋友玩到心花怒放，勁大細路😂芝士醬夠香濃，配上脆身嘅炸雞另有一番風味！不過食多幾件真係會漏😅我哋每人四件炸雞真係會幾飽，但係個焗到脆身嘅圓法包都不可以放過😍用黎點埋芝士醬食埋就真心飽了！😋
14 瀏覽
0 讚好
0 留言
食飽飽我哋再點餐飲，朋友見咁好feel決定點杯特色橙味燒酒飲下，都係加$25，個造型攞滿分，飲落都其實冇乜酒味幾似橙汁，可能唔覺唔覺飲多左就會醉嗰啲😂
橙味燒酒
10 瀏覽
0 讚好
0 留言
我就點左杯熱情果特飲加$6，不過杯嘢飲就冇乜特別，中間果肉唔係熱情果反而加咗椰果，感覺不對喎😅。
熱情果特飲
12 瀏覽
0 讚好
0 留言
整體呢一餐我都好満意，想食嘅太陽芝士炸雞果然名不虛傳係呢間鋪頭嘅招牌菜，下次都會繼續同朋友再幫襯😋
_______________________
店名：Sodam Chicken
環境🏝：8/10
服務💁🏼♀️：8/10
價錢💰：7/10
食物質素🍝：8.5/10
整體🙆🏻♂️：8/10
地址:
中環蘭桂坊雲咸街31號地舖
張貼
