ATUM Restaurant (已結業)

有一次無意中見到呢間餐廳嘅tea set既相😍，好多款而且重點係好鬼靚呀，所以就同fd嚟試下。我哋每人叫咗一杯野飲，朋友中意薰衣草，我就好中意朱古力味。我叫嗰杯係65%既朱古力，上面有粒棉花糖。呢杯朱古力好香滑，超濃朱古力味，比平時飲開既朱古力濃好多，甜味啱啱好。至於個主角就更加正，好大一盤，有甜有咸。d咸有蟹肉，三文魚，款式好多，件件都整得好靚，好精緻🤣，真係唔捨得食。朋友好中意佢既三文魚同鵝肝，靚得嚟又好食。我個人就比較中意佢d甜品，件件都係我中意食既野😚，款式好多，而且細細件，食落去冇咁大罪惡感，又可以試唔同味，我哋2個一見到已經心心眼，加唔少分。朋友本身中意焦糖拖肥既甜品，正macaron就啱哂佢🤣，甜得嚟又唔漏，佢唔中意太甜都話好食。我就覺得佢件件maracon都好高質，本身以為綠色係抹茶，但原來係班蘭!味道方面一d都唔輸蝕比d專門店，一樣咁好味。其他d甜品都好正，尤其係左邊第二排，成個盒仔咁既，有拖肥味同檸檬味，2者都好正，我覺得我會為咗佢d甜品再去😚。