十三少 (已結業)

上社交平台 group見到元朗開咗間食川菜嘅餐廳，即刻帶媽咪嚟到又新街試下😂，有個2人套餐超抵食，$338包涼菜、主菜、小菜同埋送白飯兩碗，份量超級多😍，但最驚喜嘅係樣樣餸都好大碟好飽肚，性價比高！而最近睇openrice見到呢間十三少極辣擴張緊，應該未來好多地方都可以食到㗎啦哈哈！😚［滋味2人套餐] 💰338🐟十三少酸菜魚（9.5/10）鱸魚魚片肉質嫩滑，完全無骨，酸菜湯味道好濃香又開胃🍲，仲有免費嘅配料如萵筍、雞髀菇🍄、蘿蔔、榨菜等，勁滿足，我仲加咗寛粉(+💰26)，吸收哂個湯底嘅精華，口感好煙韌超入味！呢個酸菜魚真係好好食，麻麻辣辣好惹味！🥚椒麻皮蛋（7/10）涼菜揀咗椒麻皮蛋，唔算好辣， 皮蛋竟然係晶瑩剔透既金黃色，唔係平時見開譚仔皮蛋個隻綠色，但食落去幾爽滑，中間蛋黃口感滑溜溜，一定要撈埋剁碎咗嘅蒜末辣椒食🌶️，幾好味😋🌱乾煸四季豆（9/10）小菜四季豆有得揀辣或者唔辣，都好大碟，炒得好入味，夠哂鑊氣，正👍🏿！味道👅：8.5/10（好好食，陣味好似以前番大陸食個間太二）環境☺️：9/10（餐廳闊落，梳化椅坐得好舒服）服務🙇‍♂️：9/10 （餐廳員工態度好，提供口罩袋、仲有免費嘅花