重房 (已搬遷) 新店位置

店鋪位置不多，要食既朋友真係要提前預訂位置，成餐飯氣氛都好好，師傅好識帶動氣氛，健談得黎菜式又有水準，每道菜既細節都唔馬虎👍🏻晚餐仲包120ml清酒，性價比非常高！Dinner Omakase日本生蠔師傅話每次挑選生蠔都會親自試味，一定揀番時令既品種，今次食既係比較清甜既手生蠔，size 都幾大，一啖過超滿足🦪螢光魷魚第一次食螢光魷魚，細細隻原來都會有膏，加上師傅秘制醬汁，更加帶出鮮味！😍帆立貝刺身見住師傅用力啪刺身，先知原來咁可以令刺身更彈牙，而且要夠新鮮既帆立貝先會回彈起身，食起身的確比平時食既更有口感🙈自家製磯煮鮑魚鮑魚煮得岩岩好，上面仲加左鮑魚膏，味道似蟹膏！一啲都唔腥，仲有超入味蘿蔔都好正。壽司八貫進入正題後，每一貫壽司都十分美味，有唔少平時好少見既拖羅部位，都真係第一次食吞拿魚近牙骹既魚肉，師傅都會為你續一介紹🤭 入口即化既左口魚、和牛、大拖羅、海膽同生熟拖羅夾卷，真係全部都冇得輸😍🫶🏻秋田縣後文烏冬第一次食呢款烏冬口感好特別，係屬於較扁同幼身，清湯上會加上松葉蟹肉，所以唔會係淨烏冬咁悶，食到尾聲可以暖暖胃感覺好舒服😙————————————————環境：👅👅👅👅食物：👅👅