影片
更多
2024-09-23
2516 瀏覽
💖 Ami (中環)中環遮打道16-20號歷山大廈3樓302號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️臨生BB之前再同朋友食餐好嘅就閉關😆，好耐都已經冇食過返Dining，可以靜靜地咁樣慢慢食，慢慢享受🤭，相信BB出咗世之後都冇咩呢個機會㗎啦😭▫️餐包& Wellcome drinks餐包係一個酸種麵包，配埋煙燻牛油，食落真係好香😍！忍唔住都再refill多咗一次🤣。Wellcomedrink朋友就叫咗一杯有酒精，我個杯就係冇酒精嘅！佢個杯就比較清新少少，好重煙熏嘅香氣。我個杯呢就比較甜少少，但係水果味好濃郁🍹▫️餐前小食煙燻鰻魚撻配梭子魚籽🥙:可以一啖食晒零舍滿足🥰，切粒嘅鰻魚肉，配埋柑橘同埋柚子啫喱🍊，令到成個味道都好清新🌿。偏酸少少🤏🏻我勁鍾意🫶🏻~面頭仲有梭子魚籽，增加鮮味。加拿大新鮮龍蝦尾🦞:用咗加拿大新鮮龍蝦尾粒再配搭鮮帶子粒，再用清湯做嘅啫喱同埋金盞花黎做汁😚超特別😋搭配清新得黎好開胃香濃蘑菇湯配香菇酥🍄:呢一個湯如果有得encore就好啦！將法國白蘑菇、花菇等打成蓉😌，然後再加入忌廉，同埋泡沫🫧令到成個口感層次好豐富。餐湯入邊仲有雞油菌，當中嘅褶皺位好多，吸味力強‼️所以一啖咬落
💖 Ami (中環)
中環遮打道16-20號歷山大廈3樓302號舖
〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️
臨生BB之前再同朋友食餐好嘅就閉關😆，好耐都已經冇食過返Dining，可以靜靜地咁樣慢慢食，慢慢享受🤭，相信BB出咗世之後都冇咩呢個機會㗎啦😭
▫️餐包& Wellcome drinks
餐包係一個酸種麵包，配埋煙燻牛油，食落真係好香😍！忍唔住都再refill多咗一次🤣。Wellcomedrink朋友就叫咗一杯有酒精，我個杯就係冇酒精嘅！佢個杯就比較清新少少，好重煙熏嘅香氣。我個杯呢就比較甜少少，但係水果味好濃郁🍹
▫️餐前小食
煙燻鰻魚撻配梭子魚籽🥙:可以一啖食晒零舍滿足🥰，切粒嘅鰻魚肉，配埋柑橘同埋柚子啫喱🍊，令到成個味道都好清新🌿。偏酸少少🤏🏻我勁鍾意🫶🏻~面頭仲有梭子魚籽，增加鮮味。
加拿大新鮮龍蝦尾🦞:
用咗加拿大新鮮龍蝦尾粒再配搭鮮帶子粒，再用清湯做嘅啫喱同埋金盞花黎做汁😚超特別😋搭配清新得黎好開胃
香濃蘑菇湯配香菇酥🍄:呢一個湯如果有得encore就好啦！將法國白蘑菇、花菇等打成蓉😌，然後再加入忌廉，同埋泡沫🫧令到成個口感層次好豐富。餐湯入邊仲有雞油菌，當中嘅褶皺位好多，吸味力強‼️所以一啖咬落去嘅時候就更加重菇味🤩
墨魚脆片配法國藍青口🐚:上面黑蚊蚊嗰嚿就係墨魚脆片，好濃郁嘅墨魚香之餘仲大有少少鹹香味。扑碎佢之後就可以同底層嘅忌廉汁同埋青口作融合，整體醬汁比較濃稠🤩，令到青口都好容易掛汁😏，除咗識到好香濃嘅奶香味之外仲可以食到青口嘅鮮味👍🏻
龍蝦海鮮酥皮盒🦞:初頭以為係一個好普通嘅酥皮盒，點知原來入邊裝咗好多海鮮，有龍蝦、海鱸魚、帶子、青口同埋八爪魚🐙。每一樣海鮮都有獨立嘅味道，但係溝埋龍蝦汁就鮮上加鮮🤤。
黃酒黃雞配羊肚菌🐓:用咗本地三黃雞去製作，雞肉入邊已經混合咗蔥、蛋白同埋羊肚菌😋。用咗真空低溫嘅烹調方式去煮製，同時亦都將外皮煎至香脆😎，最後再用雞汁同埋黃酒去調味😽。雞肉嫩滑得來味道層次又好豐富👍🏻
▫️甜品
火焰雪山🏔️:
啱晒兩個人分嘅火焰雪山，係佢哋嘅signature嚟㗎‼️果然真係整得好好味🤭，除咗外型好靚之外，切開入邊仲係三色雪糕🍦，為今晚嘅晚餐加咗唔少分！
想繼續睇我分享唔同嘅嘢就𝓯𝓸𝓵𝓵𝓸𝔀 𝓶𝓮 @gladysmamalife
如果大家有其他餐廳推介可以𝒟𝒾𝓇𝑒𝒸𝓉 𝓂𝑒𝓈𝓈𝒶𝑔𝑒📩
張貼
