象泰 (已結業)

間唔中我都會返入屯門同阿媽食飯，有時諗唔到食乜嘢，加上夏天又熱就想食泰國菜，屯門都好多間泰國菜，今次我哋見到雅都商場樓上有間未試過嘅就去試吓。值得一提而家雅都商場2樓變身成為好似小型嘅葵廣咁，依家係好多間小型食肆的food court, 我見佢有平有貴豐儉由人，得閒返屯門上去掃下街先。😋講返呢間泰國菜，位置喺雅都商場2樓最入，少少難搵。裝修都係有東南亞風情，不過位置較迫，坐得麻麻哋舒服。食物方面我想食去骨豬手就點左一大個招牌去骨豬手煲（$98），見到佢份量都幾足夠超多，豬手都炆得入味而且腍身，好多骨膠原呀😋不過我略嫌佢太腍，因為佢嘅皮同埋肉分開，我嘗試夾左好多次想連皮連肉一齊影相都失敗，哈哈😅我哋仲點左個鐵板牛仔骨（$98），呢個幾惹味，黑椒的醬汁有少少中式，搞到我想叫碗白飯😋而且鐵板上非常之夠熱👍牛仔骨都幾有咬口又易甩骨。每次食泰國嘢我都一定會點明爐蒸烏頭（$138），因為每間泰式餐廳都一定有呢度餸，從呢道菜就可以比較到不同嘅泰式餐廳的功力，首先佢呢間泰式餐廳揀嘅烏頭屬於偏大條肥美的，比起出面一般泰式餐廳嘅烏頭要大，可見佢哋用料真係不惜工本也不吝嗇，呢個抵讚👍佢嘅配菜都好多淨係個墊底