影片
更多
2019-04-22
1241 瀏覽
聽講屯門置樂新開左一間泰國菜，係之前小曼谷嘅位置，今晚和媽媽想不到吃什麼，就去試試看😝佢嘅環境都幾大幾光猛，離遠就見到佢嘅招牌，而且佢出面設有雅座，感覺都幾輕鬆幾chill😃最近胃口麻麻地，食泰國菜就最好啦，貪佢啲酸酸辣辣好開胃，首先我哋點咗一個豬頸肉馬拉盞芥蘭煲（$76）去親泰國餐廳我定要叫馬拉盞炒菜，因為貪佢夠惹味我又想食多啲菜，豬頸肉感覺有蝦醬醃過，都十分入味，很送飯。我哋重點左一個泰式去骨海南雞飯（$68）雞肉份量都幾多而且幾新鮮咁，雞皮很靚又有光澤，雞肉唔算腍都有咬口，點埋佢隻辣醬汁就更加好味！黃姜飯都算合格。跟住我哋仲帶咗一個泰式明爐尖吻魚（$138），平時食烏頭就食得多我哋見到條魚嘅名咁特別走點一條試吓，點知有驚喜喎！魚size唔算好大，不過勝在魚肉夠滑，有冇乜嘢骨，加上佢用酸辣湯浸住真係好開胃！最鍾意佢下面墊底嘅粉絲索曬啲汁！正泰式海鮮炒貴刁（$78）就比較普通，海鮮都叫足料不過好似冇乜嘢味，剩係得辣椒醬嘅味道，而且炒得唔係好夠乾身，可能食開廣東嘅炒貴刁，唔係好慣呢一款泰式。最後嘅椰汁千層糕，睇相估唔到係熱嘅😲我仲以為係凍嘅添😔重要啱啱蒸起好熱好難夾，所以我哋食咗一舊就
聽講屯門置樂新開左一間泰國菜，係之前小曼谷嘅位置，今晚和媽媽想不到吃什麼，就去試試看😝
佢嘅環境都幾大幾光猛，離遠就見到佢嘅招牌，而且佢出面設有雅座，感覺都幾輕鬆幾chill😃
最近胃口麻麻地，食泰國菜就最好啦，貪佢啲酸酸辣辣好開胃，首先我哋點咗一個豬頸肉馬拉盞芥蘭煲（$76）去親泰國餐廳我定要叫馬拉盞炒菜，因為貪佢夠惹味我又想食多啲菜，豬頸肉感覺有蝦醬醃過，都十分入味，很送飯。
我哋重點左一個泰式去骨海南雞飯（$68）雞肉份量都幾多而且幾新鮮咁，雞皮很靚又有光澤，雞肉唔算腍都有咬口，點埋佢隻辣醬汁就更加好味！黃姜飯都算合格。
跟住我哋仲帶咗一個泰式明爐尖吻魚（$138），平時食烏頭就食得多我哋見到條魚嘅名咁特別走點一條試吓，點知有驚喜喎！魚size唔算好大，不過勝在魚肉夠滑，有冇乜嘢骨，加上佢用酸辣湯浸住真係好開胃！最鍾意佢下面墊底嘅粉絲索曬啲汁！正
泰式海鮮炒貴刁（$78）就比較普通，海鮮都叫足料不過好似冇乜嘢味，剩係得辣椒醬嘅味道，而且炒得唔係好夠乾身，可能食開廣東嘅炒貴刁，唔係好慣呢一款泰式。
最後嘅椰汁千層糕，睇相估唔到係熱嘅😲我仲以為係凍嘅添😔重要啱啱蒸起好熱好難夾，所以我哋食咗一舊就打包拎返屋企雪凍再食😂味道係唔錯嘅😅但係真係第一次食熱嘅泰式甜品糕點😂😅
整體來講呢間新開嘅泰國餐廳食物質素都算唔錯，服務態度同衛生都幾好，價錢都唔算貴可以有下次😃
____________________________
店名：象泰宴
環境🏝：7.5/10
服務💁🏼♀️：8/10
價錢💰：8/10
食物質素🍝：8/10
整體🙆🏻♂️：7.7/10
地址：
屯門青善街康景花園8-10號舖
張貼
