影片
更多
2023-03-16
41 瀏覽
香港人一年四季都鍾意打邊爐，坊間可供選擇嘅非常多。襯住呢幾日天氣仲涼涼哋，去返一直都有食開，性價比唔錯嘅《616》食牛肉火鍋。🐂最近佢哋推出咗個「信州和牛」系列，主打親民價錢就食到日本長野縣直送到港嘅「信州和牛」，兩百幾蚊就有「特選和牛盛」，三個唔同部位嘅和牛，仲送多碟「澳洲五花趾」，幾抵食，啱曬有選擇困難嘅人。落曬單就緊係立即混個醬料，店入面嘅醬料非常齊全，特別推介柑桔仔，令成個醬汁有果香之餘，佢嘅酸味又醒胃又可以去油膩，食多幾碟牛都無咁易滯。落單無耐湯底好快就上到，今次叫咗酸菜牛骨鴛鴦湯底，身為一間牛肉火鍋，牛骨清湯可以話係一定要試，《616》嘅牛骨湯，牛味濃得嚟又唔會太咸，識得加，一定要加埋芫茜蔥當清湯飲。而酸菜湯夠酸夠辣又唔會太油，平時鍾意食酸菜魚嘅可以一試。👍🏼上餐嘅速度都好快：信州和牛赤身：雖然叫赤身，但可能係和牛嘅關係，脂肪油花都唔少，肉味重之餘亦都唔會嚡口；信州和牛肩胛：牛脂最多，牛油香味重；信州和牛腹肉：一層肉一層脂肪咁間住，味道層次最豐富，牛肉味同牛油味亦都最平均。⭐另外私心推介：花雕醉牛：好濃嘅花雕酒香而唔會有酒嘅苦，嫩滑入味；胸口膀：其實係牛胸嘅一層脂肪，爽口、
香港人一年四季都鍾意打邊爐，坊間可供選擇嘅非常多。襯住呢幾日天氣仲涼涼哋，去返一直都有食開，性價比唔錯嘅《616》食牛肉火鍋。🐂
最近佢哋推出咗個「信州和牛」系列，主打親民價錢就食到日本長野縣直送到港嘅「信州和牛」，兩百幾蚊就有「特選和牛盛」，三個唔同部位嘅和牛，仲送多碟「澳洲五花趾」，幾抵食，啱曬有選擇困難嘅人。
落曬單就緊係立即混個醬料，店入面嘅醬料非常齊全，特別推介柑桔仔，令成個醬汁有果香之餘，佢嘅酸味又醒胃又可以去油膩，食多幾碟牛都無咁易滯。
落單無耐湯底好快就上到，今次叫咗酸菜牛骨鴛鴦湯底，身為一間牛肉火鍋，牛骨清湯可以話係一定要試，《616》嘅牛骨湯，牛味濃得嚟又唔會太咸，識得加，一定要加埋芫茜蔥當清湯飲。而酸菜湯夠酸夠辣又唔會太油，平時鍾意食酸菜魚嘅可以一試。
👍🏼上餐嘅速度都好快：
信州和牛赤身：雖然叫赤身，但可能係和牛嘅關係，脂肪油花都唔少，肉味重之餘亦都唔會嚡口；
信州和牛肩胛：牛脂最多，牛油香味重；
信州和牛腹肉：一層肉一層脂肪咁間住，味道層次最豐富，牛肉味同牛油味亦都最平均。
⭐另外私心推介：
花雕醉牛：好濃嘅花雕酒香而唔會有酒嘅苦，嫩滑入味；
胸口膀：其實係牛胸嘅一層脂肪，爽口、油味濃而不膩，可以夾住一舊較瘦嘅牛肉一齊食，令成件事昇華。
今晚餐飯，人均兩百幾蚊可以食到唔同部份嘅牛，味道好，店員嘅服務都到位，識得主動為客人加湯、清理枱面，又會向客人解釋同建議唔同牛部位嘅分別同食法。呢口價食到呢種質素，可以話係平民牛肉火鍋嘅代表。
0 瀏覽
0 讚好
0 留言
特選和牛盛
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
0 瀏覽
0 讚好
0 留言
張貼
