影片
更多
2024-07-23
337 瀏覽
朋友仔知我鍾意食大閘蟹，佢今日帶我黎銅鑼灣「Layback Cafe & Bar」，餐廳推出期間限定蟹粉菜式，西式cafe都搞搞新意思，中西合璧fusion菜式👍🏻每樣食物都非常精緻，味道好之餘，擺盤亦充滿心思，打卡📸一流🉐生拆蟹粉拌北京拉麵必點推介👍🏻中式宮廷嘅擺盤一上枱已經非常吸睛，幼身嘅拉麵上鋪滿金黃色嘅蟹肉、蟹膏同蟹粉，味道濃郁鮮味，旁邊仲配有一碗滿滿嘅蟹粉，份量十足，店員上枱時會再喺蟹粉上噴上花雕酒，入口啖啖香醇嘅酒香，令鮮香味更加提升，以二百幾蚊食到咁高質足料嘅蟹粉拌蟹，性價比極高😋龍蝦扁意粉將龍蝦拆肉鋪上意粉上，賣相別緻夠派頭，龍蝦爽口彈牙，每條意粉都裹上creamy嘅龍蝦汁，上面加蟹籽令口感更加豐富，再配上蕃茄仔酸酸甜甜嘅味道，色香味俱全👍🏻值得一讚嘅係每碟菜式都大大碟，可以足夠兩個女仔share黎食🤭蜜糖牛油蒜香單骨雞翼雞翼炸得外脆內軟肉質嫩滑，每隻都裹滿香甜嘅蜜糖，加上香濃嘅牛油同蒜蓉，超級惹味，單骨雞翼食起上黎更加方便，一啖一隻真係食唔停口😆紫薯麻糬巴斯克見到每枱都會嗌甜品，我地都嗌咗期間限定嘅紫薯麻糬巴斯克，入口軟滑綿密，流心嘅cheese cake中間加入粒粒
生拆蟹粉拌北京拉麵
必點推介👍🏻中式宮廷嘅擺盤一上枱已經非常吸睛，幼身嘅拉麵上鋪滿金黃色嘅蟹肉、蟹膏同蟹粉，味道濃郁鮮味，旁邊仲配有一碗滿滿嘅蟹粉，份量十足，店員上枱時會再喺蟹粉上噴上花雕酒，入口啖啖香醇嘅酒香，令鮮香味更加提升，以二百幾蚊食到咁高質足料嘅蟹粉拌蟹，性價比極高😋
龍蝦扁意粉
將龍蝦拆肉鋪上意粉上，賣相別緻夠派頭，龍蝦爽口彈牙，每條意粉都裹上creamy嘅龍蝦汁，上面加蟹籽令口感更加豐富，再配上蕃茄仔酸酸甜甜嘅味道，色香味俱全👍🏻值得一讚嘅係每碟菜式都大大碟，可以足夠兩個女仔share黎食🤭
蜜糖牛油蒜香單骨雞翼
雞翼炸得外脆內軟肉質嫩滑，每隻都裹滿香甜嘅蜜糖，加上香濃嘅牛油同蒜蓉，超級惹味，單骨雞翼食起上黎更加方便，一啖一隻真係食唔停口😆
紫薯麻糬巴斯克
見到每枱都會嗌甜品，我地都嗌咗期間限定嘅紫薯麻糬巴斯克，入口軟滑綿密，流心嘅cheese cake中間加入粒粒嘅紫薯，再加上軟滑嘅麻糬增添口感，甜度亦啱啱好，必點嘅甜品👍🏻
開心果Dirty
杯邊加上開心果碎同朱古力，一入口係香濃嘅咖啡味，之後就會飲到開心果嘅堅果香味，兩者味道非常夾，鍾意食開心果嘅必定要試🉐
Spring's Tale
以梨汁加上接骨木花、梳打去調配嘅飲品，入口有一種花香嘅味道再加上梨汁嘅清甜，勁fresh🍹
📍 Layback Cafe & Bar (銅鑼灣)
銅鑼灣耀華街3號百樂中心17樓02-03號舖
人均消費：$300-400
食物：⭐️⭐️⭐️⭐️⭐️
環境：⭐️⭐️⭐️⭐️
服務：⭐️⭐️⭐️⭐️⭐️
回頭率：⭐️⭐️⭐️⭐️⭐️
張貼
