利豐打冷小廚

營業中

休息中

有冇人食過黃大仙嘅冬菇亭入面嘅茶樓呢？媽咪竟然帶路過嚟飲茶喔☕️☕️入到去覺得好warm，好有人情味嘅茶樓，大多以街坊為主👍好鍾意呢種氣氛😍原來媽咪係為咗梅菜扣肉過嚟，梅菜最能送飯，所以梅菜扣肉配埋白飯真係冇得頂，肥豬腩肉油香真係齒頰留香，好味又邪惡😜😜客家人最愛呢😍大大粒蝦餃，真係粒粒都超大粒，個皮好晶瑩，證明唔會太厚，咬落去勁多粒蝦肉，良心食店😍香芋鴨腳札亦是我喜愛的點心之一，以腐皮卷著一塊鴨掌，再配上芋頭，芋頭其實先係精粹，索哂啲味道，真係懷舊嘅感覺☺️食完鴨腳扎點會唔食埋雞扎啵😜😜其實我真係好鍾意食腐皮，呢度嘅腐皮好好食，雞扎內的雞件好滑喔🥰最後再嗌埋牛肉球，又係配埋腐皮，要加好多喼汁，勁好食勁好食，足料嘅牛肉球配埋爽口嘅馬蹄粒✊✊我可以食多第四粒🥳