影片
更多
2019-12-04
102 瀏覽
安樂里呢條巷仔成日都會經過，但原來入面開咗間走清新風嘅台灣食店《牛霸小麵店》!有兩個朋友分別嚟過呢間餐廳，都話OK。口碑唔錯，等我都嚟試下啦！味道唔錯，價錢相宜，環境幾舒適，仲可以比你慢慢坐，可以一試！店舖走清新風，燈光光猛，牆身好多綠色嘅草，好fresh啊🌱🌿用電話落單，只需scan單上嘅qr code就可以登上落單嘅頁面。食物清晰列出，好容易用，非常方便。主要都係有便當、湯麵、拌麵、小食等等嘅菜式。鹽酥雞滷肉便當 ($60)珍珠奶茶 (+$10)叫飯同麵都可以加錢加配飲品。滷肉入味，撈飯食好正，不過略嫌份量唔多，好多飯無得撈鹽酥雞炸得酥脆，惹味可口👅肉燥香蔥排骨乾拌麵 ($62)香芋奶茶 (+$7)香蔥排骨同鹽酥雞一樣炸得酥脆，面頭嘅椒鹽好惹味，有肉汁有咬口，厚肉又唔肥👍不過拌麵就略嫌乾咗少少🤭餐廳嘅珍珠奶茶通常都麻麻地，估唔到呢到嘅珍珠奶茶又沖得唔錯！珍珠夠彈牙有咬口，茶味香濃，不過如果記得叫埋少甜會更加啱我口味😛香芋奶茶嘅芋頭味唔算濃，亦都食唔到芋頭蓉🤭台灣夜市小拼盤 ($48)拼盤入面有台式香腸、花枝丸、鹽酥雞、木魚炸豆腐。台式炸物唔知點解硬係特別香口同惹味，呢碟嘅花枝丸同鹽
安樂里呢條巷仔成日都會經過，但原來入面開咗間走清新風嘅台灣食店《牛霸小麵店》!有兩個朋友分別嚟過呢間餐廳，都話OK。口碑唔錯，等我都嚟試下啦！
味道唔錯，價錢相宜，環境幾舒適，仲可以比你慢慢坐，可以一試！
店舖走清新風，燈光光猛，牆身好多綠色嘅草，好fresh啊🌱🌿
用電話落單，只需scan單上嘅qr code就可以登上落單嘅頁面。食物清晰列出，好容易用，非常方便。主要都係有便當、湯麵、拌麵、小食等等嘅菜式。
鹽酥雞滷肉便當 ($60)珍珠奶茶 (+$10)
叫飯同麵都可以加錢加配飲品。
滷肉入味，撈飯食好正，不過略嫌份量唔多，好多飯無得撈
鹽酥雞炸得酥脆，惹味可口👅
肉燥香蔥排骨乾拌麵 ($62)香芋奶茶 (+$7)
香蔥排骨同鹽酥雞一樣炸得酥脆，面頭嘅椒鹽好惹味，有肉汁有咬口，厚肉又唔肥👍
不過拌麵就略嫌乾咗少少🤭
餐廳嘅珍珠奶茶通常都麻麻地，估唔到呢到嘅珍珠奶茶又沖得唔錯！珍珠夠彈牙有咬口，茶味香濃，不過如果記得叫埋少甜會更加啱我口味😛
香芋奶茶嘅芋頭味唔算濃，亦都食唔到芋頭蓉🤭
台灣夜市小拼盤
$48
59 瀏覽
0 讚好
0 留言
拼盤入面有台式香腸、花枝丸、鹽酥雞、木魚炸豆腐。
台式炸物唔知點解硬係特別香口同惹味，呢碟嘅花枝丸同鹽酥雞都一樣😍
另外木魚炸豆腐都值得一提。味道有啲似章魚燒，豆腐雖然係炸，但內裡嘅質感依然滑嫩😋
仙草芋圓冰
$32
66 瀏覽
0 讚好
0 留言
最後我哋仲叫咗台灣必食嘅甜品－－芋圓冰！🤩
除咗有仙草之外，仲有蕃薯、紫薯、芋頭芋圓，味道都十分香濃。
芋圓做得非常彈牙軟糯，仲咬到細細粒嘅蓉添！🥰🥰
每人$100唔駛就食到個飽肚晚餐，包飲品同甜品，邊度搵到咁so嘅優惠啊🤪
-
張貼
