影片
更多
2023-05-10
2324 瀏覽
《肉食獸燒肉男天堂🔥》———————————————-#燒肉男 👦🏻-朋友推介咗呢間係將軍澳嘅燒肉店，相當抵食，最近仲做緊優惠💰提供全日提供嘅放題，如果Lunch 食Set C/D可以買一送一，夜晚嚟食Set C/D/E 2個人有8折，3個人就75折，4個人更加有7折，啱哂一班人嚟聚會😆-🦀 蟹味噌甲羅燒店員細心講解俾我地聽點樣燒，先放落爐上面燒2分鐘，將蟹膏同蟹籽烘熱後，再將鵪鶉蛋打落去少多3分鐘🔥 燒緊既時候已經聞到好香，鮮味十足，啖啖香濃蟹味😝-🐮 和牛西冷呢款係必點！勁大塊，牛味濃郁，放落個爐度燒立即充滿油香，食落入口即溶🤗-🔥 燒肉和牛海鮮拼盤擺盤精緻，打卡一流，上面有齊和牛肉眼蓋、澳洲M7和牛牛腹肉心、A5日本黑毛和牛友三角、澳洲M5和牛肩胛肉眼、牛板腱、日式胸腹肉同封門柳🐮 每款隔離都有個牌仔，好貼心咁樣講述牛肉係來自牛嘅邊個部份～另外亦有新鮮海鮮提供，例如大蝦、魷魚、帆立貝等等，爽口彈牙🤩-我哋仲嗌咗啲雞皮、雞軟骨串燒， 個火燒到蹦蹦聲😙 小食配料嘅選擇都幾多，咩都有的食😌另外仲有刺身食，夠哂豐富，三文魚、甜蝦都好新鮮，鮮甜可口🤭-除咗飲品任飲，甜品嘅選擇亦都好多，例如
———————————————-
#燒肉男 👦🏻
-
朋友推介咗呢間係將軍澳嘅燒肉店，相當抵食，最近仲做緊優惠💰提供全日提供嘅放題，如果Lunch 食Set C/D可以買一送一，夜晚嚟食Set C/D/E 2個人有8折，3個人就75折，4個人更加有7折，啱哂一班人嚟聚會😆
-
🦀 蟹味噌甲羅燒
店員細心講解俾我地聽點樣燒，先放落爐上面燒2分鐘，將蟹膏同蟹籽烘熱後，再將鵪鶉蛋打落去少多3分鐘🔥 燒緊既時候已經聞到好香，鮮味十足，啖啖香濃蟹味😝
-
🐮 和牛西冷
呢款係必點！勁大塊，牛味濃郁，放落個爐度燒立即充滿油香，食落入口即溶🤗
-
🔥 燒肉和牛海鮮拼盤
擺盤精緻，打卡一流，上面有齊和牛肉眼蓋、澳洲M7和牛牛腹肉心、A5日本黑毛和牛友三角、澳洲M5和牛肩胛肉眼、牛板腱、日式胸腹肉同封門柳🐮 每款隔離都有個牌仔，好貼心咁樣講述牛肉係來自牛嘅邊個部份～另外亦有新鮮海鮮提供，例如大蝦、魷魚、帆立貝等等，爽口彈牙🤩
-
我哋仲嗌咗啲雞皮、雞軟骨串燒， 個火燒到蹦蹦聲😙 小食配料嘅選擇都幾多，咩都有的食😌另外仲有刺身食，夠哂豐富，三文魚、甜蝦都好新鮮，鮮甜可口🤭
-
除咗飲品任飲，甜品嘅選擇亦都好多，例如有雜果啫喱、焦糖燉蛋、木糠布甸、朱古力慕絲、新鮮雜果等等🍰 最特別嘅佢仲有croffle可以食，有三種口味，包括tiramisu、抹茶同士多啤梨，即叫即整😊另外仲有葡撻同多款movenpick 雪糕🍦
-
⭐價錢參考：(另收加一）
Lunch Set D (買一送一)：$374/ 位
🍌抵deal 指數：8/10
張貼
