廟街玉子燒 (已搬遷) 新店位置

今日收工路過廟街，俾啲燒魷魚🦑鬚味吸引咗，係香噴噴嗰種味道，每個人都唔可以抗拒呢種味道❤️雖然已經趕住返屋企食飯，但係真係好難忍手唔買，一於加餸啦☺️見老闆將魷魚分拆開魷魚桶及魷魚鬚部份，用鐵板將魷魚越炒越香，魷魚口感爽彈脆口，即叫即燒的魷魚好鮮甜，我最喜歡魷魚鬚嘅部分，食落帶點焦香，仲有汁醬，好惹味，老闆問我食唔食得辣，幫我加左少少七味粉，拎到返屋企我同媽咪食到停唔到口，超好食😋鐵板牛柳粒份量好多，選用左安格斯牛柳粒，所以肉味好濃郁，煎到啱啱好，煎出黎既油好香呀，食落肉腍唔鞋口❤️❤️其實呢間店主打係玉子燒，一於嗌多份玉子燒，明太子+三重芝士+蟹醬流心玉子燒，未食已經知啲料多到呢，老闆好大方，係我食過最足最大份既玉子😋😋玉子燒入面包住滿滿嘅明太子，蟹醬同芝士。一切開，芝士仲係拉絲架，仲係香噴噴，面頭有大量嘅蟹子，七彩繽紛，色香味俱全😘😘