Tsuzuku

營業中

休息中

希雲街就好似係銅鑼灣既後花園🪴無左鬧市既急速嘈吵，反而帶點寧靜同悠閑既感覺！夜晚九點幾好多鋪頭都已經截左單，又唔想食千遍一律既連鎖餐廳，誤打誤撞搵到一間仲未打烊既小店☺️餐廳以木系為主，除左有野食供應，仲有唔少咖啡同調酒選擇，價錢亦相當合理，下次日頭黎仲可以帶寵物🐶！🐡雞泡魚乾居酒屋🏮常見既佐酒小食！雞泡魚乾先用味醂醃到再烘至乾身，香口脆身，配合埋撒左七味粉既沙律醬，一條接一條好快就食晒。🍞牛肉他他溫泉蛋吐司通常牛肉他他只會出現係西式既小酒館，係日式咖啡店搵到真係好少見！牛肉肉質紅嫩，用上多種調味料同醃過既青瓜攪拌均勻，再搭配半熟既雞蛋🥚蛋汁令酸種麵包變得濕潤又唔會過於脆口！入口味道豐富，唔會太單一，而且即使用手食都唔會太狼狽！🍝明太子蟹肉溫泉蛋忌廉手工貝殼粉本身對呢個主菜無咩期望😂因為多次係cafe食既意粉質素都好似自己係屋企煮咁，味道都係一般般，點知竟然有驚喜！蟹肉🦀剝成一絲絲，有蟹味又帶有海水獨特既鹹味。忌廉中和左明太子既鹹度，再加上煙韌有嚼勁既貝殼粉，每一粒都掛滿醬汁🥰溫泉蛋更達到畫龍點睛既效果，濃郁既蛋香增加左成碟粉既層次！📍Tsuzuku銅鑼灣希雲街33號地舖