影片
更多
2023-08-23
151 瀏覽
每次經過都大排長龍，難得閒日入西貢見到餐廳無人，緊係要入去試下🥰餐廳以白色為主，配以木製傢俬，營造出舒適既格調。播放住柔和音樂加上寧靜既環境，令人有種度假既感覺！🏝️🦆香蔥鴨南蠻蕎麥麵薄切鴨肉嫩滑，沾麵既鰹魚汁帶有鴨獨特既氣味，微微鹹香，再加上京蔥同香菇，蔬菜既甜度中和返沾麵汁既味道，幾滿意呢種配搭🫶🏻。蕎麥麵口感綿密，但又唔會過於軟爛，亦品嘗到蕎麥既香氣。🍞黑松露蟹肉沾醬配吐司一口吐司經過職員即場烘熱，多士表層脆卜卜，中間軟綿，單食已經好好味😛，再沾上自家製醬汁，口感豐富。淡淡既松露醬唔會蓋過蟹肉絲既鮮味，反而兩者都展示出自己的優點，互相配合，味道有層次！🍰雜莓班戟餐廳最出名既德國Dutch Baby Pancake🍳，上檯既時候會連埋熱辣辣平底鐵鑄鍋，配上充滿夏天風情既藍莓同紅桑子，色彩斑斕，再追加左一球豆腐雪芭，賣相靚仔！班戟味道都好有層次，邊邊位脆口，中間煙韌有咬口，蛋味濃郁馥香，新鮮既雜莓🫐同糖漿豐富左甜點既層次！📍Kachimushi西貢市場街35號
餐廳以白色為主，配以木製傢俬，營造出舒適既格調。播放住柔和音樂加上寧靜既環境，令人有種度假既感覺！🏝️
🦆香蔥鴨南蠻蕎麥麵
薄切鴨肉嫩滑，沾麵既鰹魚汁帶有鴨獨特既氣味，微微鹹香，再加上京蔥同香菇，蔬菜既甜度中和返沾麵汁既味道，幾滿意呢種配搭🫶🏻。蕎麥麵口感綿密，但又唔會過於軟爛，亦品嘗到蕎麥既香氣。
🍞黑松露蟹肉沾醬配吐司
一口吐司經過職員即場烘熱，多士表層脆卜卜，中間軟綿，單食已經好好味😛，再沾上自家製醬汁，口感豐富。淡淡既松露醬唔會蓋過蟹肉絲既鮮味，反而兩者都展示出自己的優點，互相配合，味道有層次！
🍰雜莓班戟
餐廳最出名既德國Dutch Baby Pancake🍳，上檯既時候會連埋熱辣辣平底鐵鑄鍋，配上充滿夏天風情既藍莓同紅桑子，色彩斑斕，再追加左一球豆腐雪芭，賣相靚仔！班戟味道都好有層次，邊邊位脆口，中間煙韌有咬口，蛋味濃郁馥香，新鮮既雜莓🫐同糖漿豐富左甜點既層次！
📍Kachimushi
西貢市場街35號
張貼
