影片
更多
2022-08-08
916 瀏覽
《貝之廚師發板🎎》l———————————————#貝料理 🐚-朋友仔生日，搵到呢間新開位於旺角鬧市嘅鐵板燒omakase同佢慶祝下，好有水準，晚市以呢個價錢嚟講簡直係性價比極高😍-我哋揀咗個貝料理甘鯛立鱗燒鐵板燒期間限定精選套餐，聽店員講原來佢哋會每大概三個月會轉一次menu，以保持新鮮感，夠哂有心思❤️-⭐ 先付三點先嚟賣相精緻嘅三款前菜，一上枱就忍唔住係咁影相，由右至左咁食 🐚汁煮黑梅貝嘅醬汁味道濃郁，爽口彈牙 🍆麵豉水茄子清爽軟淋，以麵豉提味幾特別 🖤金箔黑豆略帶微甜，口感綿密 🦀蟹膏湯葉充滿蟹香，同埋清甜腐竹一齊食好夾😙-⭐️ 和風貝沙律話到明係貝料理，梗係會喺菜式中加入各款貝類，沙律上面就有北寄貝絲，十分爽口，撈埋蕃茄、青瓜、沙律菜同芥末沙律醋，甜甜酸酸，非常開胃🥗-⭐ 日本直送時令刺身三點刺身都係喺日本直送到港，帶子、油甘魚同金鯛都鮮味十足，尤其中意個油甘魚夠哂厚切🐠-⭐ 沖繩雪鹽牛油燒北海道帶子即燒帶子口感彈牙，以牛油燒香🧈 上面仲有幼滑嘅薯蓉同爽口蘑菇，有種西日合壁嘅感覺😆-⭐ 鐵板燒櫻花蝦廣島蠔呢個真心不得了，有成隻手掌咁大隻，睇住師傅係鐵板上面即場燒，十分驚人，再係上
———————————————
#貝料理 🐚
-
朋友仔生日，搵到呢間新開位於旺角鬧市嘅鐵板燒omakase同佢慶祝下，好有水準，晚市以呢個價錢嚟講簡直係性價比極高😍
-
我哋揀咗個貝料理甘鯛立鱗燒鐵板燒期間限定精選套餐，聽店員講原來佢哋會每大概三個月會轉一次menu，以保持新鮮感，夠哂有心思❤️
-
⭐ 先付三點
先嚟賣相精緻嘅三款前菜，一上枱就忍唔住係咁影相，由右至左咁食 🐚汁煮黑梅貝嘅醬汁味道濃郁，爽口彈牙 🍆麵豉水茄子清爽軟淋，以麵豉提味幾特別 🖤金箔黑豆略帶微甜，口感綿密 🦀蟹膏湯葉充滿蟹香，同埋清甜腐竹一齊食好夾😙
-
⭐️ 和風貝沙律
話到明係貝料理，梗係會喺菜式中加入各款貝類，沙律上面就有北寄貝絲，十分爽口，撈埋蕃茄、青瓜、沙律菜同芥末沙律醋，甜甜酸酸，非常開胃🥗
-
⭐ 日本直送時令刺身三點
刺身都係喺日本直送到港，帶子、油甘魚同金鯛都鮮味十足，尤其中意個油甘魚夠哂厚切🐠
-
⭐ 沖繩雪鹽牛油燒北海道帶子
即燒帶子口感彈牙，以牛油燒香🧈 上面仲有幼滑嘅薯蓉同爽口蘑菇，有種西日合壁嘅感覺😆
-
⭐ 鐵板燒櫻花蝦廣島蠔
呢個真心不得了，有成隻手掌咁大隻，睇住師傅係鐵板上面即場燒，十分驚人，再係上面用櫻花蝦碎作點綴，層次豐富🦪
-
⭐ 鐵板甘鯛魚立鱗燒
另一款主打嘅鐵板燒甘鯛魚亦好出色😝 立鱗燒其實係一種日式特別嘅做法，將甘鯛嘅魚鱗燒到「立起」，非常吸睛👀 用燒熱咗嘅油煎香甘鯛帶鱗果一面，令口感層次豐富，一方面魚肉嫩，另一方面魚鱗十分酥香，卜卜脆～配埋底下嘅南瓜醬汁，好唔錯🎃
-
⭐ 日本海膽燒帝王大虎蝦
大虎蝦亦係大大隻，開邊蝦啖啖肉，再用火槍燒過之後略帶焦香，配搭味道濃郁嘅海膽醬，十分惹味😌
-
⭐ 鐵板薄燒美國頂級牛肉
再嚟嘅主菜係薄燒牛肉，牛味香濃突出，再包住蔥粒咁樣一齊燒🔥 可以按自己嘅喜好同師傅講生熟程度，朋友中意生啲就嗌咗半熟，口感較嫩滑，我就要熟啲啲，就偏帶咬勁但絕對唔韌～另外亦可自選芥末籽醬、柚子醋或者粉紅岩鹽調味😊
-
⭐ 松葉蟹肉茶碗蒸
熱辣辣上枱，店員會好細心幫你揭開碗蓋，蛋質嫩滑，配搭蝦、蟹柳同冬菇絲，高湯味道清甜😉
-
⭐ 季節貝清湯
再嚟一客清湯暖暖胃，日本蜆嘅味道鮮甜，而且無沙，飲得出無咩味精調味👍🏻
-
⭐ 時令貝鯛魚湯稻庭烏冬
食埋個稻庭烏冬就夠哂飽肚，貝鯛魚湯熬製多日，充滿鮮味，配埋略帶鹹香嘅海帶，十分滿足🤍
-
⭐ 廚師精選甜品
最後嘅甜品好正，打卡一流📸 焦糖和菓子好特別，口感軟淋，充滿焦糖香🧡 另外仲有林柿乾、黃豆粉蕨餅同鮮甜嘅時令哈密瓜🍈
-
⭐價錢參考：（另收加一）
貝料理甘鯛立鱗燒鐵板燒餐：$680/位
🍌抵deal 指數：8/10
張貼
