翠林辣蟹舫

有時候真係要獎勵自己食餐好嘅，所以今次我哋去咗食蟹😍，今餐真係超豐富。黃金流沙蟹（$5️⃣8️⃣8️⃣）呢隻蟹🦀真係超級大，好少食咁大隻蟹。佢望落去其實有啲似避風塘炒蟹，但係佢呢個係鹹蛋版既。佢鹹蛋味十足，好惹味，啲蟹肉好鮮甜。我同朋友最鍾意拎住隻蟹鉗食，真係啖啖肉，😍超級爽。豉椒炒蜆（$8️⃣8️⃣ ）呢個炒蜆鑊氣十足，豉椒味好濃，其實我哋好想叫碗飯🤣，因為真係好啱送飯食。秘制污糟雞（$Free）其實呢隻雞係送㗎😉，依家只要提早一日喺OpenRice訂位食蟹，就會送半隻污糟雞🐥，真係好鬼抵。其實佢係蒸雞嚟，上面鋪咗榨菜同埋紅棗，所以啲雞肉已經入晒味😆，我哋都係第一次食，估唔到又幾好食喎。拍蝦香芋娃娃菜（$1️⃣2️⃣8️⃣）呢個係我的最愛🤩，佢下面係娃娃菜，上面鋪滿肉碎，蝦🦐同埋芋頭，所以個湯係超鮮甜。另外，佢啲菜同芋頭吸哂啲湯😋，呢個一定要試。