影片
更多
2022-08-28
976 瀏覽
「酒鍋」銅鑼灣店位於V Point 27樓，接近頂層，能居高臨下般遠眺維多利亞港景色，非常優美，而且餐廳樓底極高，極具空間感，論環境，真係一流無得輸。酒火入鍋 ($328): 視覺效果一流嘅火鍋湯底選擇，此鍋共有五款湯底，分別係蕃茄波士頓龍蝦鍋、潮洲沙嗲鍋、四川麻辣鍋、清湯蘿蔔牛腩，以及木瓜鮮蝦鍋。而最後嘅木瓜鍋，店員會先落酒，再點火將鍋裡面嘅幾隻蝦燒一分鐘左右，再加湯，木瓜鍋味道就無咩特別，純粹幾igable...... 其餘幾個湯底都幾好食，尤其蕃茄波士頓龍蝦鍋夠曬鮮甜，由於湯唔多，所以幾重蕃茄味及龍蝦嘅鮮味；沙嗲鍋亦夠惹味，帶花生香；四川麻辣鍋唔算太辣，約莫只有譚仔中辣至大辣，但都幾香嘅；而清湯蘿蔔牛腩我純粹食啲蘿蔔及牛腩，由於湯底清，我都無拎黎灼食物。So overall，蕃茄龍蝦、沙嗲及四川麻辣都幾好食。黃金炸魚皮 ($78): 新鮮脆香，鮮味之餘，亦Juicy可口，每塊魚片都掛住足夠份量嘅鹹蛋黃，蛋香豐富，惹味得很。此比起一般袋裝鹹蛋魚皮少左各式添加劑及防腐劑，食起上黎無咁油膩。頂級安格斯牛小排 (大) ($268): 肉色鮮紅，油花不多亦不少，分布均勻，食起上黎肉味濃郁之
酒火入鍋 ($328): 視覺效果一流嘅火鍋湯底選擇，此鍋共有五款湯底，分別係蕃茄波士頓龍蝦鍋、潮洲沙嗲鍋、四川麻辣鍋、清湯蘿蔔牛腩，以及木瓜鮮蝦鍋。而最後嘅木瓜鍋，店員會先落酒，再點火將鍋裡面嘅幾隻蝦燒一分鐘左右，再加湯，木瓜鍋味道就無咩特別，純粹幾igable......
其餘幾個湯底都幾好食，尤其蕃茄波士頓龍蝦鍋夠曬鮮甜，由於湯唔多，所以幾重蕃茄味及龍蝦嘅鮮味；沙嗲鍋亦夠惹味，帶花生香；四川麻辣鍋唔算太辣，約莫只有譚仔中辣至大辣，但都幾香嘅；而清湯蘿蔔牛腩我純粹食啲蘿蔔及牛腩，由於湯底清，我都無拎黎灼食物。So overall，蕃茄龍蝦、沙嗲及四川麻辣都幾好食。
黃金炸魚皮 ($78): 新鮮脆香，鮮味之餘，亦Juicy可口，每塊魚片都掛住足夠份量嘅鹹蛋黃，蛋香豐富，惹味得很。此比起一般袋裝鹹蛋魚皮少左各式添加劑及防腐劑，食起上黎無咁油膩。
頂級安格斯牛小排 (大) ($268): 肉色鮮紅，油花不多亦不少，分布均勻，食起上黎肉味濃郁之餘，亦帶適量油香。同時，其肉質相當幼嫩，同牛頸脊差唔多，同樣咁好食。
黑毛豬豚腩肉玫瑰花拼盤 ($268): 唔好以為得三件好似好少，其實每件以大約五大塊嘅豚肉片捲成，即約有十五塊豚肉。腩肉也者，肥瘦相間，口感爽滑富油香，肉味亦夠濃。
黑松露蝦蟹餃 ($68): 餃子都幾大隻，餃子皮厚度適中，唔會薄到灼完後一夾就穿，但又唔會太厚，食落都算滑身。餡料有蝦肉、蟹肉 (唔係太食得出)，黑松露味突出，整體口感爽滑。
竹蔗矛根 ($28): 打邊爐飲竹蔗矛根基本上都係Standard，味道唔會太甜，雖然唔會特別得去邊，但個樽係一個燈膽，幾靚。
張貼
