影片
更多
2018-12-11
1042 瀏覽
幾個朋友係中上環附近返工，收工一於約出黎聚一聚餐🍴友人想食日本菜，見到和民係openrice訂位會有85折，咁抵食就試下😋凍冰冰天氣當然食返個暖笠笠既火鍋🍲就叫左個牛肉壽喜燒湯底係味噌湯，有d似魚露味，帶甜甜地牛肉上枱個陣仲係鮮紅，一路十下十下就熟哂，牛肉味都幾香濃再配埋湯汁已經好夠味入邊仲會有菇類, 大蔥, 娃娃菜, 豆腐，滾下滾下就好入味，又追加左個烏冬，食落好煙韌同入味因為友人唔食得蝦，所以叫左蔬菜天婦羅炸漿唔係好厚且脆口👍蕃薯同南瓜都幾香甜同粉嫩，不過味道就不濃之前去親和民都必點魷魚筒燒，不過唔知點解呢間冇😭唯有叫過魷魚牛油燒一上枱個陣會比刀叉自己切開錫紙，確保佢係熱辣辣👍切開後冇乜牛油味，魷魚幾彈牙，不過就較淡味同份量少魷魚下邊會有好多白菇，都係較淡味魚生唔係用冰鎮上都幾失望😭不過呢個價錢有齊咁多款刺身都抵食刺身有三文魚, 火灸三文魚, 吞拿魚, 甜蝦, 帶子同三文魚籽全部都幾新鮮且厚切，不過食落就唔太肥美同油脂滿溢餐牌⬇⬇總括黎講:食物質素中規中矩，價錢上就唔太貴，坐得舒服，性價比都ok🍳🍴味道: 7/10👩👨服務: 6/10🏠💺環境: 7/10💰💸抵食: 7/10總消費:
凍冰冰天氣當然食返個暖笠笠既火鍋🍲就叫左個牛肉壽喜燒
湯底係味噌湯，有d似魚露味，帶甜甜地
牛肉上枱個陣仲係鮮紅，一路十下十下就熟哂，牛肉味都幾香濃再配埋湯汁已經好夠味
入邊仲會有菇類, 大蔥, 娃娃菜, 豆腐，滾下滾下就好入味，又追加左個烏冬，食落好煙韌同入味
牛肉壽喜燒(大)
$128
11 瀏覽
0 讚好
0 留言
因為友人唔食得蝦，所以叫左蔬菜天婦羅
炸漿唔係好厚且脆口👍蕃薯同南瓜都幾香甜同粉嫩，不過味道就不濃
蕃薯南瓜天婦羅
$58
8 瀏覽
0 讚好
0 留言
之前去親和民都必點魷魚筒燒，不過唔知點解呢間冇😭唯有叫過魷魚牛油燒
一上枱個陣會比刀叉自己切開錫紙，確保佢係熱辣辣👍
切開後冇乜牛油味，魷魚幾彈牙，不過就較淡味同份量少
魷魚下邊會有好多白菇，都係較淡味
魷魚牛油錫紙燒
$58
10 瀏覽
0 讚好
0 留言
魚生唔係用冰鎮上都幾失望😭不過呢個價錢有齊咁多款刺身都抵食
刺身有三文魚, 火灸三文魚, 吞拿魚, 甜蝦, 帶子同三文魚籽
全部都幾新鮮且厚切，不過食落就唔太肥美同油脂滿溢
豪華刺身盛合
$158
11 瀏覽
0 讚好
0 留言
餐牌⬇⬇
總括黎講:
食物質素中規中矩，價錢上就唔太貴，坐得舒服，性價比都ok
🍳🍴味道: 7/10
👩👨服務: 6/10
🏠💺環境: 7/10
💰💸抵食: 7/10
總消費: $408(3人)
張貼
