私家廚房 (已結業)

裝修雅致、明亮，地方非常清潔，有水缸可以睇到新鮮海鮮。另外有包廂房，可以比客人開派對。辣酒煮螺🐚🌶（$168）辣酒煮螺，正到爆，啲汁充滿咗酒香，辣辣地，用黎送飯，好快就會成碗食晒！🤤螺肉非常彈牙，必然是新鮮貨物，沒有太多沙🤙🏻懷舊糖心皮蛋🥚（$58）皮蛋、漆黑色，味道香氣與別不同，聞起來震震幽香，黑色的蛋黃軟、烏色蛋白彈口，加上調味料，相當出色。這個小吃，令人食指大動！黃金炸魚皮🤩🐟（$68）用鹹蛋黃，香炸魚皮，極級邪惡，但非常好味。一定要叫！上碟之後，同女朋友不停爭食🤩，好快就清左一碟。果皮蒸大鮑魚（$48隻）新鮮鮑魚，本身已經去咗沙。沒有魚腥味、爽口彈牙，少少海鮮鹹香，用香蔥吊味，用筷子用力插入去，結實唔郁，可想而知有幾咁彈！廚師👨🏻‍🍳已經預先去取內臟、沙，可以安心大口大口食用！😄即叫即炒生炒骨（$118）梅頭肉、即叫即炸，唔會有腥味，不同於一般酒樓，預先炸好。這餐廳的生炒骨，咬下去會有淡淡豬肉香味散發出來，而且香脆可口。另外廚師使用新鮮菠蘿，並非罐頭，因此絕不會覺得膩。薏米水一大Jar，清熱解渴消暑食完同經理吹左陣水，餐廳重送生果、冰鎮新鮮菠蘿，好鬼正呀！