影片
更多
2022-12-20
55 瀏覽
媽媽響網上見到有間以樹懶🦥做主題嘅Café ，覺得好特別，所以就帶咗豬仔包去食個下午茶☕️，探吓樹懶🦥。呢間餐廳真係非常非常隱世😆，佢嘅位置一啲都唔偏僻，炮台山地鐵站行過去都只係5️⃣分鐘，但就係睇佢唔到🤣。我哋行到去，媽媽仲意為行錯路，正想行去第二面揾吓，好彩有個保安員問我哋揾緊咩，先知原來行前多幾步就到😅，餐廳係完完全全隱藏咗響酒店柱後，真係唔行到門口都睇唔到😆😆😆樹懶🦥餐廳唔係有真嘅樹懶🦥，只係有好多樹懶🦥裝飾同佈置，豬仔包一入去已經抱住樹懶🦥公仔，愛不釋手😆。餐廳地方不太，不過就有一組梳化位係向外，如果陽光普照🌟嘅日子去，應該會幾寫意，可惜我哋當日去落緊雨，天氣亦都好凍，餐廳都閂咗一半門遮吓啲風。食物方面，我哋點咗「日式免治牛肉三文治配柚子胡椒」、「牛角窩夫配綠茶雪糕」及「溏心蛋炮蛋包」。「 #日式免治牛肉三文治配柚子胡椒 」由於媽媽驚個柚子胡椒醬太辣豬仔包食唔到，特意走去問吓店員辣嘅程度，估唔到佢幫我哋將醬同酸瓜分開上，真係好窩心🥰。講番食物，麵包烘得脆脆，牛肉餅非常juicy，配埋個醬真係好好味😋。「 #牛角窩夫配綠茶雪糕 」一嚟到個賣相已經非常吸引，熱辣辣嘅牛角窩夫🧇，上面佈滿
呢間餐廳真係非常非常隱世😆，佢嘅位置一啲都唔偏僻，炮台山地鐵站行過去都只係5️⃣分鐘，但就係睇佢唔到🤣。我哋行到去，媽媽仲意為行錯路，正想行去第二面揾吓，好彩有個保安員問我哋揾緊咩，先知原來行前多幾步就到😅，餐廳係完完全全隱藏咗響酒店柱後，真係唔行到門口都睇唔到😆😆😆
樹懶🦥餐廳唔係有真嘅樹懶🦥，只係有好多樹懶🦥裝飾同佈置，豬仔包一入去已經抱住樹懶🦥公仔，愛不釋手😆。
餐廳地方不太，不過就有一組梳化位係向外，如果陽光普照🌟嘅日子去，應該會幾寫意，可惜我哋當日去落緊雨，天氣亦都好凍，餐廳都閂咗一半門遮吓啲風。
食物方面，我哋點咗「日式免治牛肉三文治配柚子胡椒」、「牛角窩夫配綠茶雪糕」及「溏心蛋炮蛋包」。
「 #日式免治牛肉三文治配柚子胡椒 」
由於媽媽驚個柚子胡椒醬太辣豬仔包食唔到，特意走去問吓店員辣嘅程度，估唔到佢幫我哋將醬同酸瓜分開上，真係好窩心🥰。講番食物，麵包烘得脆脆，牛肉餅非常juicy，配埋個醬真係好好味😋。
「 #牛角窩夫配綠茶雪糕 」
一嚟到個賣相已經非常吸引，熱辣辣嘅牛角窩夫🧇，上面佈滿紅豆🫘同cream， 再加一球雪糕響上面，仲有一片果乾點綴，所有食材都互相配合，仲全部都係豬仔包最愛，難怪食到停唔到口🤣
「 #溏心蛋炮蛋包 」
外皮炸得金黃脆脆又唔會好油、切開溏心蛋仲係流心架，蛋同皮之間有少少咖喱豬肉醬，配合埋好特別好好味😋
整體食物質素都好好，豬仔包話有樹懶陪住食嘢好開心，下次要再去🥰
張貼
