亞谷特蘭州牛肉麵

營業中

休息中

最近喺港島區行街，突然間想去試吓新舖頭，上網搵吓搵吓就搵到呢間餐廳，見到佢嘅擔擔面好似好出色，就決定一試！都真係有意外收穫！——————重慶擔擔面 HKD 58我不得不說呢個擔擔面，的確唔係平時食開嘅味道！佢嘅湯底相對冇咁濃郁，味道上亦都唔會非常重味，有淡淡嘅花生香，辣度亦都唔會非常強！但在正正呢一種清新令我更加喜愛！而麵質亦都非常令我驚喜，首先佢已經有好多唔同麵底可以選擇！而麵嘅口感亦都非常吸引，煙靭而帶有口感！真係非常驚喜！羊肉串 HKD 56首先以呢個價錢有三串羊肉串，性價比上都算出色，而羊肉上面灑咗辣椒粉，味道都香濃。羊肉相對味道清新一啲，但都有羊肉嘅味道，大家都可以一試！午市加配小食 HKD 38呢個午市加倍小食，以$38嚟講都幾抵食！我加配早蓮藕同牛展！牛展有厚度，辣醬亦都非常惹味，食得我好開心！蓮藕相對清新一啲，但味道都不錯，可以一試！——————評價：麵底有質素食物與價錢成正比推介指數：❤️❤️❤️