讚好台灣

營業中

休息中

作為紅磡人，你叫我推介餐廳比你，我腦海第一個就係彈"讚好",因為佢價錢平，味道好，又大碗，雖然好hardsell咁，但都係真的。🔹木魚炸豆腐🔹豆腐先油炸，再灑上木魚同淋上微酸既醬，醬令炸皮變軟，食落不但冇咁熱氣，仲有啲豆卜既感覺，入面既豆腐仲保持嫩滑，味道好有層次，又開胃。🔹逢甲鹽酥雞🔹鹽酥雞調味鹹度岩岩好，當小食係非常唔錯既選擇，佢做到外脆內軟，而且雖然用雞胸肉去整，但都好嫩滑多汁，所以鐘意食鹽酥雞既朋友，千奇唔好錯過。🔹豐盛牛肉口水乾拌麵🔹本人比較貪心，想試多啲野，所以揀左豐盛版，入面有金錢牛腱、牛腩、牛筋、花枝丸同貢丸多種配料，仲有炆到好腍既紅蘿蔔同白蘿蔔，真係好豐富。呢到既乾拌麵又係一絕，麵非常有勁，配埋個口水辣汁，配埋青瓜絲，濃味又唔會膩。🔹滷肉鹽酥雞飯🔹食台灣野緊係要食個滷肉飯啦。滷肉飯既水準係唔錯，半肥瘦既豬肉粒滷得超入味，簡直係白飯小偷。