越南料理

營業中

休息中

最近發現街角開咗間新餐廳，雖然好細，但門面都幾靚。座位非常之少，細鋪嘛。叫碗牛丸牛肉河試下。飲啖湯，食幾啖，好失望，覺得唔多對路。淨睇賣相已經同上面嗰位樓主有出入，芽菜係極少，啲洋荵可能跌咗落異次元空間，錨極都錨唔倒。湯底淡而無味，直頭落埋青檸都冇乜味就可想而知，可能係我第一次食倒啲咁冇湯底味嘅越南粉。。。味道同上一篇樓主個體驗有天淵之別。我知呢間開咗冇耐可能仲未成熟，但賣相同上一篇嗰碗咁唔同就有啲唔係好接受。雖然喺係呢個小區地方、又係小鋪，但午市包杯熱飲都賣到＄７０拍得住出面啲連鎖店。唯一好係杯菜蜜有粒青檸跟提升味道就幾唔錯。但今日呢碗真係好唔掂（唔係難食嘅），唔知係咪有啲問題出咗或者有啲步驟做漏咗？啱啱開張真係唔想咁快就俾個sad icon，希望佢地今次係個別事件，快啲穩定番。