好運印尼餐廳

營業中

休息中

雖然望落個名覺得好「唔印尼」、但佢係一間独立経営嘅印尼餐廳、唔知係咪位置問題要特登行上嚟嘅關係、真係indie到晚飯時間都差唔多冇客、雖咁樣對餐廳唔好、但就可以卡位任坐靜靜地孤獨進食。環境幾好、裝潢都幾靚又自然、有啲特色小音樂、但可能樓底高、唔開大啲冷氣會覺得好熱呢下扣一扣環境分。叫咗【印尼炒麵】&【加多加多】炒麵明顯帶甜味、配料亦算夠又有菜、但冇乜鑊氣炒味。炒麵呢款食物定位算係叫庶民美食、但都賣成＄80拉低晒CP值。加多加多都多雜菜尤其蝦片、但個靈魂醬就好淡、吊唔出啲乜味、成碟冇乜味。總括兩款食物只屬soso。呢日用餐店員服務體驗就非常好。睇Google相呢間原來攞過米芝蓮、餐牌都有啲比較印尼嘅食物、除非其他食物真係標青、否則以今日叫呢兩款為基準、咁樣都可以被列入米芝蓮令人極費解、所以我從來都唔會信呢啲所謂聯盟標準。難得係一間獨立舖、希望佢哋可以再鑽研多啲美味食譜。