金拇指米線 (福至工業大廈)

營業中

休息中

今日去開茘枝角整指甲，扮完靚靚同個fd就係附近搵地方歎個下午茶。甘岩經過依間，見到有米線食，就入去試試。店舖環境好大，好似個飯堂甘。不過去個時四五點落場時間，人流不算多。店舖原來唔單至米線食，仲有各式各類美食選擇，炒粉麵飯咩都有。我叫咗酸辣湯底米線，由於我唔係好食得辣，所以叫咗小辣，辣度剛剛好，湯底非常濃郁、夠香。配菜就叫左豬軟骨，豬大腸同芝心丸。豬軟骨炆得夠稔軟入味，好香陳醋味，肉質鬆軟。豬大腸都好好味，份量好夠。相當抵食！