荷里活冰室 (兆禧苑商場)

營業中

休息中

去屯門探朋友，約朋友喺餐廳見面同傾計，去到兆禧商場有間荷里活冰室，餐牌有超值晚市餐，就點了一款小菜喺黑椒蜂蜜薯仔牛柳粒，配白飯同老火湯，朋友點了枝竹羊腩飯配老火湯。黑椒蜂蜜脆薯牛柳粒，牛柳粒味道濃郁，薯仔醃了蜜糖，口感帶香甜，牛柳加入黑椒，微辣而且惹味。枝竹羊腩飯，羊腩肉質嫩滑，啖啖肉又好入味，軟腍同易入口，而且肉質鮮嫩，配料豐富有爽脆枝竹同清甜嘅馬蹄，配搭白飯一流。粟米紅蘿蔔老火湯，好夠火喉。荷里活冰室 屯門湖翠路201號兆禧苑商場地下兆禧食坊4號舖