日暮家 麵匠 (已結業)

趁未到last day，小編嚟日暮家食最後一次拉麵 🍜 之前都係試啲期間限定款，依次想返樸歸真一啲，揀咗基本款～ 見到煮拉麵嘅哥哥仔，手舞足蹈咁控制住各方面嘅火喉同計時，望落就簡單，但工序同步驟都唔少 👏🏻🍜 日和拉麵 😋😋😋😋😋雞白湯十分濃郁，有啲creamy嘅口感；兩片慢煮雞肉叉燒有小編手掌✋🏻咁大，一啲都唔嚡，而且索到少少雞白湯 😚 木耳、香蔥 & 紫洋蔥增添清新、辛辣味；剔咗普通拉麵麵質，燙滾得軟硬適中～ 基本拉麵款式，一啲都唔馬虎！👍🏻晚餐 💵💵 約港幣$100/人💁🏻‍♀️ 小編都數唔清2024年半年間告別咗幾多間小店…… 😮‍💨 雖然有時好唏噓、好無奈，不過仍然好感恩有你哋嘅出現 🤗 特別喺當時十二子停工嘅期間，日暮家嘅存在，唔單止為大家帶嚟有水準嘅拉麵🍜，更加無形中撫慰咗大家嘅心情。喺度同店內上下仝人講聲：「辛苦晒！」🙏🏻 衷心祝願大家日後有更好嘅發展！