影片
更多
2022-10-27
1578 瀏覽
每次無論咩時間經過「大圍小館」門口都見到有人排隊，為左求證啲間首奪米之蓮一星嘅餐廳有咩咁巴閉，今日一於專誠過嚟幫襯下😇店鋪10:30先開門，我哋10點到已經見到有人排隊，好在早到拎定飛，未夠10:15分已經表示已full😛 早起的鳥兒有蟲吃，如果大家想朝聖記得要早啲到/一早book定枱。店舖唔算大，裝修非常別緻，充滿濃厚嘅中國色彩。我哋雖然2個人，但竟然安排去一張大枱，原因係因為佢哋不設搭枱，可見店主對服務質素有一定堅持👍🏻茶位要$18位真係好貴，但原來選用嘅茶葉都好講究。我哋隨便叫左水仙，飲落先發現同平時酒樓飲嘅水仙完全唔同。翻查先知原來佢哋選用左老欉水仙，而且係經過烘焙，有濃厚嘅煙燻木香味，甘香細味👍🏻👍🏻 第一叉 （半份）$158 👍🏻👍🏻👍🏻👍🏻👍🏻招牌菜果然係名不虛傳，從來未食過咁好食嘅叉燒🤤🤤🤤，肥瘦適中，肉質淋滑，纖維細緻。叫第一叉係因為豬肉挑選咗「第一刀」嘅部位。所謂第一刀係指豬隻被送到豬肉檔時，第一刀斬落去嘅豬肉，亦即豬嘅頸椎、豬頭對下嘅一小部分，又名為梅頭咀，一隻豬只有一塊，非常矜貴。再加上香甜嘅蜂蜜作為蜜汁，好味程度簡直係驚為天人，叫佢「世一」叉燒絕對唔過份。未試
店鋪10:30先開門，我哋10點到已經見到有人排隊，好在早到拎定飛，未夠10:15分已經表示已full😛 早起的鳥兒有蟲吃，如果大家想朝聖記得要早啲到/一早book定枱。店舖唔算大，裝修非常別緻，充滿濃厚嘅中國色彩。我哋雖然2個人，但竟然安排去一張大枱，原因係因為佢哋不設搭枱，可見店主對服務質素有一定堅持👍🏻
茶位要$18位真係好貴，但原來選用嘅茶葉都好講究。我哋隨便叫左水仙，飲落先發現同平時酒樓飲嘅水仙完全唔同。翻查先知原來佢哋選用左老欉水仙，而且係經過烘焙，有濃厚嘅煙燻木香味，甘香細味👍🏻👍🏻
水仙
22 瀏覽
0 讚好
0 留言
招牌菜果然係名不虛傳，從來未食過咁好食嘅叉燒🤤🤤🤤，肥瘦適中，肉質淋滑，纖維細緻。叫第一叉係因為豬肉挑選咗「第一刀」嘅部位。所謂第一刀係指豬隻被送到豬肉檔時，第一刀斬落去嘅豬肉，亦即豬嘅頸椎、豬頭對下嘅一小部分，又名為梅頭咀，一隻豬只有一塊，非常矜貴。再加上香甜嘅蜂蜜作為蜜汁，好味程度簡直係驚為天人，叫佢「世一」叉燒絕對唔過份。未試過真係要試吓！🔥🔥🔥
第一叉
$158
33 瀏覽
1 讚好
0 留言
鮮筍蝦餃2粒（小點）$33 👍🏻👍🏻👍🏻👍🏻👍🏻點心做得好唔好，睇佢個蝦餃就知。蝦餃皮薄餡靚，蝦肉飽滿爽彈有鮮味，絕對係出色。另外抵讚嘅係佢可以叫兩粒，啱晒兩個人。
鮮筍蝦餃
$33
31 瀏覽
0 讚好
0 留言
鮮筍蝦餃
$33
22 瀏覽
0 讚好
0 留言
職員表示所謂「鮮肉」就係指選用左新鮮豬肉。我先醒覺原來平時一般嘅燒賣唔係用新鮮豬好肉架咩？😆 一食先發現，原來真係唔同架喎😳 肉質係特別爽彈有口感，再配合菇味濃郁嘅香菇，先發現原來燒賣喺可以咁好食😛
鮮肉燒賣
$33
19 瀏覽
0 讚好
0 留言
腸粉煙靭幼滑，牛肉配合大量嘅芫茜（我至愛），冇得頂。不過同行友人唔食芫茜，就覺得唔啱食了，唔食芫茜嘅朋友要注意。
香茜牛肉腸
$43
19 瀏覽
0 讚好
0 留言
米茄子同一般茄子唔同，多汁又軟嫩而且不帶草青味。茄子切開沾上炸粉酥炸，再配合甜甜酸酸嘅意大利黑醋，係勁。好。味。🤤🤤🤤
意大利黑醋伴米茄子
35 瀏覽
0 讚好
0 留言
啲個又係必叫，其實即係沙翁。侍應剪開四舊之後，其實每一邊係等於1個完整嘅沙翁，份量非常之大，建議4人食😆 而呢個沙翁係我食過咁多沙翁當中最好食，蛋味超級香濃，外層鬆脆，內層軟熟，正👍🏻
冰花蛋球
$33
18 瀏覽
0 讚好
0 留言
一般糯米雞都係用荷葉包住嚟蒸，煎糯米雞第一次見，賣相都幾討好，侍應會幫你剪開四件。外脆內軟，糯米夠煙韌，餡料充足的，鹹蛋黃香甜，幾有特色。
懷舊煎糯米雞
$43
23 瀏覽
0 讚好
0 留言
懷舊煎糯米雞
$43
51 瀏覽
0 讚好
0 留言
餐包係用左第一叉嘅叉燒黎做餡料，亦加入左少量洋蔥，口感豐富味道濃郁，唔錯。
叉燒餐包
$33
14 瀏覽
0 讚好
0 留言
厚厚嘅豬肉韭菜餡料，食落啖啖韭菜，兩面都煎得好香，唔錯嘅選擇。
煎韭菜粿
$33
27 瀏覽
0 讚好
0 留言
食物：❇️❇️❇️❇️❇️
環境：❇️❇️❇️❇️
服務：❇️❇️❇️❇️❇️
價錢：❇️❇️❇️❇️
翻兜指數：❇️❇️❇️❇️❇️
張貼
