好旺角粥麵專家 (已結業)

今日係農曆大年初七「人日」，爹哋話一定要食粥同麵，代表「豐衣足食」同「長壽麵」，所以我們去咗旺角花園街嘅「好旺角粥麵專家」食中午餐！我們叫咗鮮蝦雲吞麵嘅雲吞皮好薄身軟滑，蝦肉好鮮甜彈牙！爽滑牛筋粗麵嘅牛筋相當軟滑彈牙，而且非常入味，粗麵嘅麵質好爽口彈牙！南乳豬手撈麵嘅豬手好爽滑彈牙，味道唔會好鹹，但南乳汁撈咗落啲麵度，就鹹咗啲啲！馳名及第粥、香滑魚腩粥同皮蛋魚腩粥嘅粥底煲得好綿，魚腩相當新鮮，肉質非常鮮甜嫩滑，而且份量超多，真係好抵食！