八月 (已結業)

「八月」，真係冇下次。價錢唔平，食物選擇少，質素差，服務不夠，有漏單情況，失望！「八月」地方大，可容納多人，坐得都舒適。裝修都有高級感覺，但期望愈大失望愈大！嗌咗一個湯、一壺最貴嘅鐵觀音茶同4個餸。當時人客未算好多，但食物都好遲先到。當所有嘢嚟哂，白飯又遲遲都未嚟。等咗好耐，以為飯終於到啦，點知嚟得一碗粥。明明個傳菜服務員托盤上已有2碗白飯，但佢只放低一碗粥就走咗去另外一枱客人到，真奇怪！之後等咗好耐2碗飯先嚟，心諗:餸都就快唔熱。都算，食物質素真係唔掂！薑汁炒芥蘭煮到老哂，好難食。個一人雞菇炒飯又冇乜味、料又少。加上，所有嘢都必定要配飯，好似炆豬肉、海蔘果碟咁，賣相都同都同住家餸差不多，食落就好普通，食物唔太似出自呢間花咁多錢裝修，好似幾高級嘅餐廳咁。咁多樣嘢，得個湯幾好。仲有！食咗成餐飯，見我哋嗌嘅咕噥肉都未嚟，埋單同個待應講話冇嚟，cancel 佢算。對方冇抱歉嘅態度，快速同我哋埋咗張單就算，真係無話可說！個人認為冇必要喺呢到食飯，因為質素唔掂！