Black Sugar Coffee

營業中

休息中

好耐都冇的起心肝，執筆寫食評……今日上完堂，散完步，晏晝三點幾，突然興致起，搭咗程車專誠嚟Coffee Shop食個餐歎吓茶。店舖格局唔錯，坐得幾舒服。因首次幫襯，我只係簡單嗌咗個卡邦尼意粉加壼Jasmine Pearl。等候期間，當然滿有期待……十幾分鐘之後，終於上菜嘞。Pasta賣相頗精巧，諗住應該有啲水準，點知一食落去，「嘩！乜料？！大鑊，中晒伏！」，原本勁好嘅心情，迅間即跌至谷底！啲意粉個芯，完全未熟透，硬掘掘，碟嘢凍冰冰，無理由咁都可以拎出嚟俾個客啩！究竟煮嗰個搞邊科？沉住度氣食咗一半，個胃已經有啲頂住，容不下喇。埋單之際，終於忍唔住託個侍應將我嘅意見同經理反映……不過阿經理以為退錢或者請飲咖啡就可令我妥協，呢個行為確實對顧客有啲唔尊重，頗令人失望。煮嘢咁無Heart，好難再令人有意欲去光顧喇。