旮旯 (已結業)

位於📍元朗嘅一間小店—「旮旯」，餐廳環境唔算大，店內裡裝修有日式嘅格調，主打日式輕食同甜點，餐廳亦都有做午市同晚市，但通常都要排隊，小編遇着3點3🕒下午茶時間，有幸初嘗「禁果」🤤，食物都可以滿足一下港男港女打吓卡📸。今次小編就叫咗店內主打嘅抹茶同黃豆味葛餅，抹茶味就不過不失啦😌，鍾意食甜品嘅小編對黃豆味葛餅有好大興趣🤤🤤，佢再配合埋呢個黑糖煉奶，突出返黃豆粉嘅味，非常夾！👍🏼👍🏼之後仲有抹茶紅豆卷蛋，係呢到嘅名物，食落唔會好乾又唔會好濕，紅豆醬亦都唔會好甜，好適合一啲怕甜嘅朋友。最後嗰杯「極光」會係個點綴😚，小編一睇餐牌已經俾佢個名吸引住，飲落去係一種清新嘅感覺🥰，一試難忘🥺。用蝶豆花，抹茶同青檸汁為主嘅凍飲，賣相再以紫色同橙色混合一齊🤩，有層次之餘又非常吸睛😆，檸檬汁又開胃，食完甜品之後又可以中和翻，十分推介🤩🤩。總括而言，大家如果去完下白泥影相或者經過元朗，可以一戰！人均消費：$50-80/head