影片
更多
2017-07-25
542 瀏覽
我好鐘意食辣，所以一知道有間四川成都麻辣火鍋店黎左香港就即刻去試！去之前我有上網search 過資料，真係好似同雜誌講既一樣，話呢間係去成都必食既餐廳之一。餐廳主打正宗四川麻辣火鍋，成間舖都充斥住火鍋湯底香料同辣椒既味道。我地叫左紅白鴛鴦鍋，麻辣湯底可選微辣、中辣和特辣；大約第左10-15分鐘，個湯底終於到！眼見個煲好有霸氣，兩隻手柄都係龍頭裝飾，好有中國特色。呢間個火鍋湯底比我食過既麻辣火鍋都較油，表面層辣油真係成寸厚。我地叫中辣都真係幾辣。另一邊就係豬骨牛骨湯。除左主打四川正宗麻辣湯底之外，餐廳既獨家特色火鍋配料更係另一個大賣點。獨家特色配料如花千骨、功夫土豆片、冰川鵝腸、大俠上上籤等都跟足本店做法。花千骨更係每張枱必點。餐廳極力推介既花千骨，係獨家秘制，選用新鮮既豬肋排，用秘製麻辣香料醃製大約4-5個鐘，上菜時餐廳員工以為花千骨係熟食…但其實係生架，要灼10-15分鐘先食得。花千骨肉質軟腍，久煮都唔會老，非常入味，絕對推介，不過我地差D食左生豬肉。另一樣我幾鐘意食既係麻辣牛肉，都係久煮不老。本來都想叫功夫土豆片，但賣晒，真係好多人點喎。除左特色小菜，一般既配料有接近七十款選擇，如
餐廳主打正宗四川麻辣火鍋，成間舖都充斥住火鍋湯底香料同辣椒既味道。我地叫左紅白鴛鴦鍋，麻辣湯底可選微辣、中辣和特辣；大約第左10-15分鐘，個湯底終於到！眼見個煲好有霸氣，兩隻手柄都係龍頭裝飾，好有中國特色。
呢間個火鍋湯底比我食過既麻辣火鍋都較油，表面層辣油真係成寸厚。我地叫中辣都真係幾辣。另一邊就係豬骨牛骨湯。除左主打四川正宗麻辣湯底之外，餐廳既獨家特色火鍋配料更係另一個大賣點。獨家特色配料如花千骨、功夫土豆片、冰川鵝腸、大俠上上籤等都跟足本店做法。花千骨更係每張枱必點。
餐廳極力推介既花千骨，係獨家秘制，選用新鮮既豬肋排，用秘製麻辣香料醃製大約4-5個鐘，上菜時餐廳員工以為花千骨係熟食…但其實係生架，要灼10-15分鐘先食得。花千骨肉質軟腍，久煮都唔會老，非常入味，絕對推介，不過我地差D食左生豬肉。另一樣我幾鐘意食既係麻辣牛肉，都係久煮不老。本來都想叫功夫土豆片，但賣晒，真係好多人點喎。
除左特色小菜，一般既配料有接近七十款選擇，如脆肉鯇、手切安格斯牛肉，羊肉片等，份量同質素都幾好。
號稱「去成都必吃」的火鍋店，原來連擺渡人既慶功宴都係吃呢間。如果係鐘意食川菜，我都覺得值得黎試下。
張貼
