影片
更多
2022-06-27
1125 瀏覽
今晚喺即興快閃嚟食包，話說同位老友傾開偈，講講吓，橫掂大家無飯開，不如約出嚟快閃食餐飯。小弟去邊度都無所謂，而就番佢返揀嚟太子，見「Winner Burger」好似幾好，老友又想食啲高質素少少嘅嘢，所以，扑鎚晌度食吓漢堡。店外店內嘅裝修都幾得意，以瓦磚砌成遊戲機公仔為主角，而晌門口已一眼睇晒成間鋪喺點，左邊喺廚房，右邊有三幾個吧位，個人就覺得廚房佔比好大，始終主要都喺只做漢堡、小食而已，相反，吧位一邊就比較細同窄。除場即場下單，仲可以用二維碼下單，所以，有唔少外賣單都喺由二維碼嗰邊落，故此，睇住啲店員密密製作，炸小食、煎扒、塗醬汁……做唔停手。而漢堡嘅選擇，一大張餐牌睇晒，共8款漢堡，7款小戈戈食，前者定價由$62-$92，後者就每款賣$15，其實，加$18就可以升級為套餐，包一份自選小食及罐裝飲品，樽裝就再補多$3。雖然唔少單，但店員都好快手，同步可以整幾張單嘅漢堡，大概等10分鐘唔使就整好晒，而飲品就自己晌凍櫃自取。順帶一提，店家提供膠手套，諗住環保少少，但唔用都唔得，因為啲漢堡實在太大份，醬汁好易瀉到一手都喺。可樂、檸樂食漢堡就梗喺配汽水最爽啦，其實，平時都好少飲，所以，打開個凍
店外店內嘅裝修都幾得意，以瓦磚砌成遊戲機公仔為主角，而晌門口已一眼睇晒成間鋪喺點，左邊喺廚房，右邊有三幾個吧位，個人就覺得廚房佔比好大，始終主要都喺只做漢堡、小食而已，相反，吧位一邊就比較細同窄。
除場即場下單，仲可以用二維碼下單，所以，有唔少外賣單都喺由二維碼嗰邊落，故此，睇住啲店員密密製作，炸小食、煎扒、塗醬汁……做唔停手。
而漢堡嘅選擇，一大張餐牌睇晒，共8款漢堡，7款小戈戈食，前者定價由$62-$92，後者就每款賣$15，其實，加$18就可以升級為套餐，包一份自選小食及罐裝飲品，樽裝就再補多$3。
雖然唔少單，但店員都好快手，同步可以整幾張單嘅漢堡，大概等10分鐘唔使就整好晒，而飲品就自己晌凍櫃自取。
順帶一提，店家提供膠手套，諗住環保少少，但唔用都唔得，因為啲漢堡實在太大份，醬汁好易瀉到一手都喺。
可樂、檸樂食漢堡就梗喺配汽水最爽啦，其實，平時都好少飲，所以，打開個凍櫃，先知原來有一款「可口檸樂」，檸味唔算好強，之前就未飲曾過，當喺試吓新嘢咁。
洋蔥圈我哋份洋蔥圈炸得比較燶，入口啲粉漿比較硬身，幸好食落都唔喺好油，而洋蔥都有啲甜味，唔太差，亦唔叫好。
甜蕃薯條另一份小食蕃薯條就好食好多，炸得香脆，入口粉甜，好有蕃薯味，比起成日食薯條多份新鮮感。
WB手打牛王漢堡 $68 +菠蘿 $5小弟就揀最基本嘅牛王漢堡，唔喺講笑，非常大份，拎上手好有份量，餐牌都已經列明有蕃茄、生菜、芝士片、煎流心蛋、手打牛肉漢堡扒，再配自家製醬汁。而漢堡扒自家手打，咬落好鬆化，富肉香，又充滿肉汁，加埋煎蛋確有流心效果，就咁已經好正，再伴以蕃茄、生菜、菠蘿，平衡啲油膩感，食起嚟更清爽。
WB豬牛薯堡 $92老友喺大胃王，當然挑戰吓呢一款集齊薯餅、牛肉漢堡扒、豬肉漢堡扒，再加埋蕃茄、生菜、芝士片、煎流心蛋嘅豬牛薯堡。佢話實在太大份，好難一口過咬落去，要拆開嚟食，兩款肉都煎得香口，手打即喺手打，口感好鬆化，薯餅炸得香而不膩，配搭埋其他食材，味道豐富，加上包身軟熟，的確用料有水準，老友食完話大滿足，啱晒啲食肉獸。
兩款漢堡都確喺有特色，用料不賴，又落足份量無欺場，不過，下次都喺拎走食，始終堂座啲吧位唔喺咁好坐，加上冷氣唔喺好夠，哈哈！
張貼
