琥酌 (已結業)

第一次寫食評，大家多多包涵。今日出完糧，食lunch就緊係食豪d喇，所以同team同事就決定去食公司附近嘅好野，揀黎揀去都揀唔到，突然有個同事話不如食太子間吉列牛，之後我地就急急腳行過去喇。去到間餐廳好彩有張6人台埋緊單，我地淨係等左5分鐘就入去坐低。入到去大家都清一式叫最平果隻吉列牛餐，價錢大約係$200左右，傾傾下計，待應就幫我地set好位，放D調味同放個重點「火爐」落張台到。之後個吉列牛好快都上埋黎，我就最中意食呢d日本 1 set set嘅定食，次次食都感覺好舒服，可以同朋友食之餘又可以保持自己嘅私隱，想食咩先就食咩先。我本身想就咁食隻賣相咁靚溫泉蛋，但係食左一啖飯之後覺得個飯好dry，如果配埋吉列牛，食得好辛苦「所以我就果斷倒隻蛋落去個飯到，個吉列牛套餐即刻提升幾級。個吉列牛食法只係需要每邊燒十秒，再點小小汁就已經好好食，我最鍾意就係個海鹽，最能帶出個吉列牛味道。到最後食哂D吉列牛同飯，我就慢慢飲埋個麵豉湯作為呢餐嘅總結，麵豉湯個配料都幾多，我覺得係可以為呢餐做一個點綴。