四川菜大平伙 (已結業)

今日去左中環食四川大平伙，係香港首間藝術私房菜館，佈置也是滿滿藝術感，最適合同家姐來感受一下。大平伙四川話就是大家一起吃飯的意思，圍聚一桌共同分享美食，有濃濃的人情味，實在有意思。藤椒木耳 $68，呢個看似好多辣油，其實都唔算太辣，花椒的辣是我最愛的，不嗆喉但有點刺激。唔好以為四川菜就一定係辣，其實都有些不辣的，叫左個手拍青瓜 $68，涼拌，青瓜爽口脆卜卜重蒜蓉味，吃完辣再吃一口。另外我地叫左個中午套餐，二人自選兩款，每位$148。湯係雞茸粟米羮，好足料不會太杰，好味道。自選菜揀左魚香茄子同宮保雞丁，配絲苗白飯，魚香茄子好花味，茄子好淋，魚香味不是很重但反面有點醋的酸味。宮保雞丁，有好多雞粒之餘仲有好多花生，辣辣的配飯一流。