影片
更多
2023-06-28
94 瀏覽
平時喺太子食開「美味」，今日放假特登搭車落長沙灣幫襯「好味」，結果實在有點失望。點了十隻芫荽拼雲耳椰菜湯餃，習慣了太子區的餃子標準，我認為一碗好食的餃子是在乎湯底(基本上間間都話無味精的, 請自行判斷)、餡料、大小和拌碟的辣菜脯之間的配合。今次食評也會以上述作基礎。湯底：同「美味」一樣都是sell 野葛菜魚湯，感覺上這湯的味道較淡，唔係好飲得出味，而且湯面有少量的油，雖然不多但也扣了點分。餡料：作為芫荽控，呢度嘅芫荽餃滿足到我嘅要求；至於雲耳椰菜就一般水準，未去到驚為天人嘅地步。大小：本身以為呢間前身同「美味」屬同門應該會有巨大餃子，不過事實上啲餃子只係普通size ，食落唔係爆料的感覺。辣菜脯：雖然是配角但也是我對會否encore 的重要指標，這裏的菜脯切得很細粒，辣度算是乎合標準，但實在太油，仲要連樽身都好油，真係扣曬分。環境：睇過其他食評都不會對環境抱有期望，店子不大也不算特別乾淨。隔離枱走了近10分鐘才有人來執枱就真係要扣分。服務：可以掃QR code落單也沒甚麼服務可言，不過現場見大部分食客都係向職員點餐，然後隔離枱的叔叔等了半個鐘都無嘢食才發現職員落漏咗單，結果要轉外賣拎走
點了十隻芫荽拼雲耳椰菜湯餃，習慣了太子區的餃子標準，我認為一碗好食的餃子是在乎湯底(基本上間間都話無味精的, 請自行判斷)、餡料、大小和拌碟的辣菜脯之間的配合。今次食評也會以上述作基礎。
湯底：同「美味」一樣都是sell 野葛菜魚湯，感覺上這湯的味道較淡，唔係好飲得出味，而且湯面有少量的油，雖然不多但也扣了點分。
餡料：作為芫荽控，呢度嘅芫荽餃滿足到我嘅要求；至於雲耳椰菜就一般水準，未去到驚為天人嘅地步。
大小：本身以為呢間前身同「美味」屬同門應該會有巨大餃子，不過事實上啲餃子只係普通size ，食落唔係爆料的感覺。
辣菜脯：雖然是配角但也是我對會否encore 的重要指標，這裏的菜脯切得很細粒，辣度算是乎合標準，但實在太油，仲要連樽身都好油，真係扣曬分。
環境：睇過其他食評都不會對環境抱有期望，店子不大也不算特別乾淨。隔離枱走了近10分鐘才有人來執枱就真係要扣分。
服務：可以掃QR code落單也沒甚麼服務可言，不過現場見大部分食客都係向職員點餐，然後隔離枱的叔叔等了半個鐘都無嘢食才發現職員落漏咗單，結果要轉外賣拎走。
結語: 如果去開呢頭又諗唔到食乜嘅都可以一試，如果係特登前來嘅恐怕就會失望了，始終此「好味」不及彼「美味」。
張貼
