泰仔美食

營業中

休息中

經常形容九龍城為「小泰國」，因為呢度真係有好多唔同泰國嘅商店，今次喺附近行左一陣就選擇左入呢一間人氣十足嘅泰國餐廳。從餐廳環境睇得出係一間傳統嘅泰國餐廳，加上店員全部都係講泰文，好似有啲去咗泰國嘅感覺。今次嘅晚餐主要嗌咗兩樣嘢食，分別係燒墨魚同埋泰式炒粉絲。先講下燒墨魚，點餐後大概等咗15分鐘先至有得食，因為墨魚係即叫即燒嘅，上枱後已經聞到一陣陣香味，旁邊嘅醬料亦都能夠帶出墨魚嘅鮮味，可以話係推介嘅食品之一。至於泰式炒粉絲，外出食嘢一向好少嗌粉絲類食品，原因係覺得會好易食濟又未必好食，今次心血來潮試試反而有驚喜，炒出嚟乾濕度剛剛好又夠火候，份量又唔會太少，啱晒兩個人，所以都值得推介。不過餐廳嘅冷氣真係非常之大，啲食物好快就會凍晒，如果唔係坐喺啲風口位可能會較好。