影片
更多
2024-06-26
3036 瀏覽
約定老人家喺父親節前一日的周六飲茶，第一時間book咗呢度。之前嚟過2次，一次飲茶，一次晚飯，兩次的用餐體驗都唔錯，尤其包房晚飯果次，有1位侍應全程招待，服務周到，上菜前先再次確認菜式同預計用餐時間，印象正面而深刻。電話訂檯後搵番之前聯絡開的經理，讓佢幫忙安排坐窗口位，佢亦馬上辦妥。父親節前一日的午市都多客，埋單時見到好似full house。4個人，點咗幾款點心（如果點心的件數唔夠分，可額外單點1件，靈活性高）、1個前菜同1款燒味。琥珀合桃：餐前小食；夠脆，又甜甜哋，好味豬手：去咗骨，炆得夠「林」，我試咗個汁，酒味幾香燒賣：賣相一般牛肉球：唔係茶樓食開的山竹牛肉，佢細粒啲，有湯底叉燒腸：用的係招牌叉燒，勁「林」，呢個比較抵食，因為例牌叉燒要$298牛肝菌腸粉：素腸粉；味淡，要落多少少豉油食蘿蔔絲酥餅：上次飲茶時食過驚為天人，唔油膩，夠鬆脆；今次雖然都好食，但勁熱，唔小心咬落去係會「辣」親個咀燒腩仔：皮脆，好食；上檯後要儘快食我只係食咗琥珀合桃、牛肝菌腸粉同蘿蔔絲酥餅，肉食評價係嚟自其他人架整體嚟講，餐廳環境好，窗口位的景觀開揚，有海景；侍應服務唔錯，不過可能父親節茶市人多，唔係每次有
電話訂檯後搵番之前聯絡開的經理，讓佢幫忙安排坐窗口位，佢亦馬上辦妥。父親節前一日的午市都多客，埋單時見到好似full house。
4個人，點咗幾款點心（如果點心的件數唔夠分，可額外單點1件，靈活性高）、1個前菜同1款燒味。
琥珀合桃：餐前小食；夠脆，又甜甜哋，好味
豬手：去咗骨，炆得夠「林」，我試咗個汁，酒味幾香
豬手/豬腳仔
4 瀏覽
3 讚好
0 留言
燒賣：賣相一般
燒賣
5 瀏覽
0 讚好
0 留言
牛肉球：唔係茶樓食開的山竹牛肉，佢細粒啲，有湯底
牛肉球
5 瀏覽
0 讚好
0 留言
叉燒腸：用的係招牌叉燒，勁「林」，呢個比較抵食，因為例牌叉燒要$298
叉燒腸
0 瀏覽
0 讚好
0 留言
牛肝菌腸粉：素腸粉；味淡，要落多少少豉油食
蘿蔔絲酥餅：上次飲茶時食過驚為天人，唔油膩，夠鬆脆；今次雖然都好食，但勁熱，唔小心咬落去係會「辣」親個咀
蘿蔔絲酥餅
0 瀏覽
0 讚好
0 留言
燒腩仔：皮脆，好食；上檯後要儘快食
燒腩仔
2 瀏覽
0 讚好
0 留言
我只係食咗琥珀合桃、牛肝菌腸粉同蘿蔔絲酥餅，肉食評價係嚟自其他人架
整體嚟講，餐廳環境好，窗口位的景觀開揚，有海景；侍應服務唔錯，不過可能父親節茶市人多，唔係每次有需要時都有人留意到，不過只要侍應留意到，佢哋都會主動幫忙，如斟茶。價位算高，例牌叉燒$298，同攞奬的明閣一樣，而點心的價錢亦拍得住酒店中菜的價格。呢個價位，食物點都有一定水準，但唔係樣樣都出色。坦白講，同價位有好多選擇，甚至有更好的選擇，對我嚟講，呢度有一個優點（對其他人嚟講應該係缺點）：佢俾人的感覺係平易近人又有少少classy，頭先提過，老人家去開普通茶樓，有時出入高級地方食嘢，心理上未必接受到，而呢度雖然環境同服務都唔錯，但茶市時係有普通茶樓的喧鬧，即係食客都係會高談闊論，比較嘈。對於我哋呢啲尋常百姓嚟講，咁樣反而舒服自在啲~
張貼
