影片
更多
2024-08-31
1599 瀏覽
今晚又喺「無飯」夫妻日，所以，大家都唞唞出街食，嚟到油麻地嘅「點心到」，就晌地鐵站斜對面，貪佢位置方便。兩公婆揀點心專門店有個好處，就喺可以試到多啲嘢，唔似其他餐廳就可能喺佢一個晚餐、我一個晚餐。餐廳環境跟大多數點心專門店差唔多，都喺簡簡單單，但感覺都幾骨子，夠晒光猛企理。一來地點有優勢，二來無論本地人，還是遊客，都鍾意一盅兩件，所以，成晚大部分時間都喺九乘滿，一台客走又有一台客入嚟。枱上已放好餐具、洗碗兜、一大壺熱茶，自己招呼自己，茶位收$5位，無加一，比起去酒樓就划算好多。睇見張枱墊，原來晌旺角嘅「點心到 Mix•大排檔」都喺屬同一集團！一張點心紙底面兩版，就羅列晒所有點心款式，大部分會喺見慣見熟嘅款式，但都有啲店家推介嘅特色嘢，數數吓，原來都有成50款之多，睇落定價都算相宜，仲有燉湯、多款港式飲品、汽水。以二維碼落單又得，剔點心紙交俾店員又得，落單後佢哋會即時打張單俾你，咁就包無落錯或落漏。燒汁釀虎皮椒 $26兩件紅、兩件綠，我估都喺專登嘅，而且，裁走頭尾位，明顯喺花咗心思。中間所釀嘅鯪魚肉非常大嚿，但難得煎得啱啱好，表面焦脆，裡面唔會未熟，仲好彈牙，好有魚味。醬皇金錢肚 $28
餐廳環境跟大多數點心專門店差唔多，都喺簡簡單單，但感覺都幾骨子，夠晒光猛企理。一來地點有優勢，二來無論本地人，還是遊客，都鍾意一盅兩件，所以，成晚大部分時間都喺九乘滿，一台客走又有一台客入嚟。
枱上已放好餐具、洗碗兜、一大壺熱茶，自己招呼自己，茶位收$5位，無加一，比起去酒樓就划算好多。睇見張枱墊，原來晌旺角嘅「點心到 Mix•大排檔」都喺屬同一集團！
一張點心紙底面兩版，就羅列晒所有點心款式，大部分會喺見慣見熟嘅款式，但都有啲店家推介嘅特色嘢，數數吓，原來都有成50款之多，睇落定價都算相宜，仲有燉湯、多款港式飲品、汽水。以二維碼落單又得，剔點心紙交俾店員又得，落單後佢哋會即時打張單俾你，咁就包無落錯或落漏。
燒汁釀虎皮椒 $26兩件紅、兩件綠，我估都喺專登嘅，而且，裁走頭尾位，明顯喺花咗心思。中間所釀嘅鯪魚肉非常大嚿，但難得煎得啱啱好，表面焦脆，裡面唔會未熟，仲好彈牙，好有魚味。
醬皇金錢肚 $28金錢肚喺老婆佢心水點心之一，可以講話唔喺嗌鳳爪，就喺嗌金錢肚。金錢肚軟腍帶點點爽口，非常香濃入味，不過，份量真喺有啲少；下面就例牌墊咗少少蘿蔔，索晒汁，同樣惹味，而且，嫩滑無渣。
濃湯鮮竹卷 $21晌點菜紙嗰度標明佢喺素食，所以，老婆又話想試一試吓。先講個奶白色嘅濃湯，飲落真喺幾鮮幾甜，所以，我哋都一滴都唔好嘥，清晒啲湯。而鮮竹卷裡面包住啲甘筍粒、沙葛粒之類，比起平常加咗豬肉嘅鮮竹卷多咗一份清爽感，而腐皮都好香豆味。
沙薑汁燴鮮淮山 $24蔬菜中老婆都幾鍾意食淮山，因為營養價值高，配沙薑汁我都喺第一次試，感覺有幾唔錯。啲淮山爽爽滑滑，仲加埋啲木耳同西芹，確喺一道一夠晒健康嘅點心。
籠仔金針雲耳雞飯 $38原本一心想嗌籠仔金銀蒜海蝦飯 ，打開個二維碼落單，就標示已售罄，真可惜，退二求其次，金針雲耳蒸雞都OK。個飯嚟到，其實就唔喺咁覺啲荷葉味，但食落啲飯粒，就堅食到陣陣荷香，加上飯粒軟熟，淋上豉油，齋飯都好味呀！而啲雞件幾嫩滑，金針、雲耳又爽口，賣$38真喺抵食架。
籠仔金針雲耳雞飯
$38
20 瀏覽
0 讚好
0 留言
雖然呢款點心列晌酥點類，其實，當佢喺甜品都OK，此外，亦想試埋個榴槤雪媚娘，但就賣晒。個酥皮層都幾酥脆，甚富牛油香，而餡心嘅榴槤蓉幾香滑，如果喺榴槤控，可能覺得未夠澎湃，但以一般大眾而言，小弟就覺得夠晒突出。
普遍上，點心專門店嘅定價都比去酒樓抵食，所以都有好多捧場客。加上地理位置好，咁旺場都不無道理，食咗咁多款點心，亦覺得師傅嘅手藝紮實，服務又唔錯，咁生意先可以長做長有。
張貼
